|
رد: ܟ♥ ( التجمع النهائي للمسرحيه الحديثه /يوم الاختبار السبت 30-7- فترة أولى ) ♥ܟ
.
.
بيس
مالك حل ههههههههههههه
لا يا عيني مو ذا المقطع
ADool`s Hous Pley
اعملي سيرش بذا فيه عشر مقاطع .
انا اذكر شفتها برابط واحد .لانها نفس الرواية بالضبط .
.
.
ومن الحين بقولكم الي بيستنذل لندا ماعنده سالفة هههههه
بعدين لوسي هو صح يدلعها ومن زين الدلع ياقببرتي يا ارنبتي
بس تراه جلده ويحاسبها ع القرش وهي مسكينة تحاول
تسعد الكل بأقل الامكانيات . غير كذا هلمر نظامه استعبادي
الي هو ماتقدرين تاخذين نفس الا بشوري .
وموقف نورا ورطت نفسها بتزوير وقرض وبدون ماتعرف ان هالشي غلط
لانها مزورة توقيع ابوها مو احد غريب <-- من الجماعة ههههههه
وفوق ذا راحت تشتغل بالسر علشان تسدد القرض ولاحسست زوجها
بها الشي ولاتمننت عليه انها انقذت حياته وورطت نفسها ولاحس باي فرق .
ويوم عرف بالموضوع مافكر فيها ولو لثانية كل الي فكر فيه برستيجه ومركزه بالبنك .
حتى شكرا ماقال لها بالعكس اعتبرها وباء وخطر على عيالها لين جاب لها الوسواس
ومجرد تنازل كوقستارد عن السالفة خلاص كل شي تبخر عند هلمر ونسى السالفة
المهم يكون بامان طيب وين المبادئ وين الاخلاق الي كان يتشدق فيهم طاروا خلاص !!!
.
.
لذلك الموضوع الرئيسي بالمسرحية هو الحب
علشان حبها لزوجها غامرت وضحت وبسب حبها كانت صدمتها عنيفة فيه وتركته وتركت اولادها .
لانها ماقدرت تتحمل التناقض العجيب بشخصيته الي اكتشفته مره وحده
بدل مايتحمل كل الموقف ويهون عليها ملاها بالرعب والخوف والوسواس
ولامها بكل عنف وما التمس لها اي عذر .ومافكر غير بنفسه وشكله الاجتماعي وبس .
كانت بالنسبة له مجرد كيان أجوف من الداخل ..عروسة للزينة وتجميل البيت .
+
ليندا لما جلست معهم بالبيت لاحظت اسلوب هلمر الفج واسلوبه
الاستعبادي لنوره وكيف ماسح شخصيتها وكيانها لذلك لما خلت
كوقستارد يرسل الرسالة كان غرضها تحرر نورا من القفص الي ساجنها
زوجها فيه وتخليها تعرف موقفه الحقيقي بدل ماهي عايشة مرعوبة
خايفه عليه وعلى مشاعره وهو أناني مو هامه الا نفسه .
|