الله يعوض عليك يارب والسارقه ان شاء اللهتطيح في شر اعمالها
انا كذا في رمضان كنت رايحه السوق طلعت خمسين عشان احاسب من شنطتي من المحفظه ورجعتها في الشنطه فجأة تجمعوا حريم كثير كذا جنبي وتفرقوا وانا اطلع شنطتي مو موجوده المحفظه والشنطه مفتوحه وانادي اختي اقول مالقييت محفظتي وينها كان فيها كسوة العيد كامله الله لا يحللها وادور في الارض لقيت المحفظه الحمد لله فيها بطاقاتي بس الفلوس كلها اخذوها ولا ريال واجلس أبكي وادعي عليها من القهر وسبحان الله استجابة الدعوه سرقوا حرمه ثانيه وجلست تراقبهم لين بلغت عليهم الهيئه والشرطه اللي في السوق طلعوا حرمتين والعسكري يبقاها تعطية الشنطه يتأكد وهي تصيح وتصرخ وتحاول تهرب ويكلمها الشيخ مافي فايده واللي معها قامت تصيح ويسحبهم العسكري ويدخلهم محل عشان يفتشونهم والحمد لله طاحو في شر اعمالهم على اني مشيت ما انتظرت يمكن يرجعون لي فلوسي