|
طريقة مبسطه جدا للفرض العدمي والفرض البديل
من فهمي للماده مشيت عليها وكل سؤال بهالطريقة يطلع معي صح ومتاكد منها
اول شي نفهم انه رفض الفرضية العدميه هو قبول للفرضية البديله
ورفض الفرضية البديله هو قبول للفرضية العدميه
عشان ما نلخبط نمسك الفرضيه العدميه بس وبمعرفه حالها نعرف الفرضية البديله اللي هي عكسها
... عندنا 3 حالات للقيم المجدوله اللي نقارن فيها نتائجنا
الحالة الاولى : الفترات : يعطيك فتره من قيمه لقيمه ويطلب منك مقارنه الناتج معها سواء Z او t او f او X2 او طياره او مدفع او الدكتور قندوز اي شي .. اذا الناتج داخل الفتره يعني قبول الفرضية العديمه
( لا تنسى ان قبول العدميه يعني رفض البديله ورفض العدميه يعني قبول البديله )
هذي الحاله الاولى
الحاله الثانيه : المقارنه مع sig العبارة اللي داخل الجدول بالثابت 5%
اذا كان الناتج ( لكل القيم من z الى t الى قندوز الى طياره الى طفايه الى f كل القيم ) اصغر من 0.05 اللي هي ثابت 5%
فإن الجواب هو رفض الفرضيه العدميه ( لاتنسى رفض العدميه هي نفسها قبول البديلة ) ولا تنسى اذا طلع الناتج اكبر اعكس الموضوع
من رفض الفرضية العدميه الى قبول الفرضيه العدميه
بس انت خلك مع اختبار (اصغر من) واذا طلع اكبر اعكس القاعده
الحالة الثالثه : اذا كانت المقارنه مع قيمه مجدوله يعني رقم محدد
يعني لاهو فتره ولا نسبه 5% ولا sig
قيمه يعطيك اياها بالسؤال ويبيك تقارن ناتجك فيها
بهالحاله اذا الناتج اللي تطلعه ( لكل القيم z و t وf وكل شي يخطر ببالك ) طلع اصغر من القيمه الجدوليه اللي يعطيك بالسؤال
هنا الجواب : قبول الفرضيه العدميه ولاتنسى قبول الفرضيه العدميه يعني رفض الفرضية البديلة ولاتنسى بعد اذا طلع اكبر من اعكس السالفه
بس دقيقه فيه شي مهم جدا جدا
Zp المتعلق بحساب اختبار النسبه ..هذا شاذ عن القاعده الثالثه اذا قارناه برقم معطى بالسؤال
ويتعامل بالقاعده الثانيه مع شله الsig وال5%
وسلامتكم
التعديل الأخير تم بواسطة abshameri ; 2016- 5- 9 الساعة 11:03 AM
|