بسم الله ابدي عد ماهل الهلال واعداد ماتذري هبوب الشمالي
ويامرحبا واعداد سيل ليا سال واعداد مافي الارض حصما ورمالي
راعي فعول الطيب محد(ن) لها طال لو كان ينفق بالذهب والريالي
مهوب زور(ن) لكن الحق ينقال ابفتخربه وارفع الراس عالي
شال الحمول اثقال محد(ن) لها شال شال الحمول اخفافها والثقالي
خالي ليامن كل غمر(ن) ذكر ابو عبدالله فخر كل العيالي
يصب للضيفان بنن بفنجال يصبها من وسط صفر الدلالي
ومفطح(ن) وسط الصحن من الشحم عال مع ملحقاته من حلا كل حالي
ترحيبة(ن) محد لها قبل قدقال ومحد(ن) وصل لمستواها وقالي
ذكر الرجال يميزه كل رجال تعلى شامخات الجبالي
حق(ن) عليه اذكر الطيب وافعال افعال خالي كل ما جا مجالي
هو راس مالي يوم كل(ن) جمع مال هو مسندي والذخر هو راس مالي
الله يعدل بالفرج في احسن الحال حتى يزول الوهم هو والخيالي
المعذره كان القدم زال محد معصوم من الخطا والزلالي
وصلاة ربي عد ما هل همال على النبي يالله عليك اتكالي