السلا عليكم
أسعد الله أوقاتكم بكل خير، والله يعطيكم العافية على المجهود المبذول خلال فترة الاختبارات.
نقدر نقول هانت بمشيئة الله، كلها مستويين وناخذ البكالوريس بإذن الله.
عندي اقتراح ويا حبذا لو الكل يعطي رأيه فيه.
ودي نسوي وسم بتويتر نطلب فيه من جامعتنا الموقرة وبكل احترام ومحبة وتقدير فتح ترم صيفي، مثل ما حنا عارفين أن الإجازة الصيفية اللي راح تبدأ على خير راح تكون أطول إجازة صيفية خلال الـ 15 سنة الماضية على أقل تقدير، فياليت لو تفضلت جامعتنا الحبيبة بفتح الترم الصيفي حتى يتسنى لنا استغلال الإجازة ورفع معدلاتنا بحكم أن الترم الصيفي عادةً ما تكون الساعات فيه أقل فيصير التركيز أكثر.
مابي أطول عليكم حضرات الزملاء.
أقترح وسم #ترم_الانتساب_الصيفي أو أي وسم تحبون، وصدقوني لو كل واحد من الزملاء بهالمنتدى المبارك كتب تغريدتين فقط على هذا الوسم، صدقوني راح يصير ترند في وقت وجيز.
شاكر لكم تعاونكم، والله يوفق الجميع.