تبي نصيحه خذها مني ببلاش ( لا تربط عمرك بأهدافك المستقبلية العمر بالقلب يا صاحبي)
انا درست كلية تقنية اقل من ترم وطلعت منها وعمري 18 بعدين توظفت بشركة لمدة 6 شهور بعدها توظفت عسكري إداري وحاولت اكمل بجامعة الملك عبدالعزيز وخلصت عام دراسي كامل بعدها وقفت وطلعت درست لغة انجليزية لمدة عام في كندا ولما رجعت كملت في جامعة الملك فيصل وقبل عام استقلت من العسكرية واتجهت للقطاع الخاص لعدم قناعتي بالعمل الحكومي من البيروقراطية وعدم التطوير والآن يا صاحبي باقي لي عام واتخرج أو ترم لو فيه صيفي.
معليش طولت عليك بس تأكد أن قصتي كانت تحدي بالنسبة لي أني أطور من نفسي خصوصا انا متخرج بالثانوي ونسبتي 78 لاني كنت مهمل بالدراسة والكثير كانوا يضحكوا علي بأن مستحيل أنجح بالدراسة وكثير كانوا ضدي ليش اترك العمل الحكومي والان اشوف النجاح حليفي وصرت مثل لهم ولله الحمد في العزيمة والإصرار، الحين جالس أصحح الأخطاء الي كانت ومازال الطريق طويل قدامي لأجل أحقق أهدافي.