تحية طيبة ومعطرة لكم جميعا ؛؛؛
اذا تبون نعترض فالحق والصواب نعترض على الإدارة المالية..تدرون ليش اسمعوا السالفة.
إحنا تقريبا 12 موظف في إحدى الوزارات بالرياض أخذنا إجازة قبل الإختبارات 10أيام لأنا عارفين ان الإدارة المالية والتحليل تحتاج تركيز وزيادة معدل حل المسائل بالإضافة لمادة الأساليب..بدأت الإختبارات مشينا تمام ودرجاتنا ماتقل عن تسعين حتى التحليل صرنا نغيّب ونسمّع لبعض القوانين،ويوم اختبار المالية تفاجأنا بالأسئلة وتعقيدها بل كانت أسئلة مركبة وتعجيزية وقتها إنقلبت النفسية للصفر وكرهنا الدراسة وطول الليل واحنا نصلي وندعي على قندوز..حتى واحد من الزملاء خلى أمه تدعي عليه.
طبعا الإختبارات اللي بعد اختبار المالية كنا بنتركها ونترك الدراسة بالمرة بس فيه إثنين مطاوعة الله يجزاهم خير جلسوا يتكلمون معانا ولا تيئسون اليأس ماهو زين والعميد الفريدان يقول أنا بصف الطلاب وكذا..المهم قررنا نختبر التسويق والتحليل كتأدية واجب واختبرنا من غير نفس ولليوم والله نفسياتنا صفر بسبب هالفندوز حسبنا الله عليه ونعم الوكيل..!