المشاركة الأصلية كتبت بواسطة fedwa hasan

الف شكر احساس .. فعلا اللي جايين لمستوى رابع محتاجين نصائح ..

اولا .. من ناحية الجدول : انا ماشيه مع خطة هتان ..
واخذت اللغويات الترم الماضي ..

من ناحية المواد:
اللغويات د. غسان : اخذتها مستوى 3 .. المادة كانت دسمه .. تحتاج متابعه من اول الترم .. تحتاج حفظ وفهم وتطبيق .. لأنك من هنا تبدأ تتعلم كيف تنطق الكلمات الانجليزية ..

حاضر العالم الاسلامي: مادة اسلامية بدايتها كانت سهله بعدين تدرجت لبعض الصعوبة .. لكن بشكل عام جميله والدكتور اسئلته كانت عسل ..

قواعد البيانات مصلح العضايلة : ما احبها لكن تحتاج تطبيق وحفظ .. والدكتور اسئلته كانت لا بأس بها .. وكرر

استماع وتحدث : اعسل من د. آلن مافيه .. واللي يتابع افلام بالانجليش رح تسهل عليه اكثر واكثر

النثر الانجليزي: الدكتور عبدالله الفريدان. كثير شفتهم متعقدين من المادة. لكن المادة ابداً ما تستدعي التعقيد .. هي تعلمك استراتيجيات القراءة و فهم النص . والفريدان اسئلته لاحظت انه يعتمد على الفهم .

انشاء وتعبير 2: د. ابراهيم المحبوب .. اعتقد اخذتوا فكره عنه في انشاء وتعبير1

القواعد والمنظومه النحويه د. عبد الرحمن السيد : بصوره عامه هي grammar لكن بشكل موسع ومتفرع جداً حاول تفكك المحاضرة وترسم لك خرايط حق التفرعات .. وفيه بعض الاشياء تحتاج فهم . الاختبار كان عسسل . مع ان وقتها كان جداً غلط لأنها كانت دسمه واخر مادة اختبار وتكون الطاقة زيرو ..

الأدب الانجليزي: عصر النهضه. د فوزي سلسلي .. هالمادة كنت استمتع فيها جداً كأنك تقرأ قصة تاريخيه وبعدين تدخل في الادب .. مع ان الكل كان متعقد منها . انت افهم الكلام ورح تسهل عليك .. والمادة فيها مفردات يعني صعبه تحتاج انك تفهم معناها عشان تعرف عن شنو يتكلم . تابع مع الدكتور اول بأول وافهم الكلام وامورك عسل .. حتى بالفاينل ما رح تحتاج تذبح عمرك بالمذاكره لأنك already got it ملخص تروك كان جدا سلس وسهل ممكن تطلع عليه


و موفقين بإذن الله