2016- 5- 11
|
#33
|
|
أكـاديـمـي نــشـط
|
رد: توجيهات للمنتقلين إلى المستوى السابع Senpai's Guide to E7
شهالزين دوريمي .gif "(204)")
تتخرجون قبلي ياالوصخين  
باقي لي من مستوى سابع "علم اللغة الإجتماعي"
تحسفت إني مااخذته
عشان أقدر أتخرج الترم الجاي
بس مااقدر انزل كل المواد برضو بترم واحد لأنه فيه تعارض علم اللغة الإجتماعي مع مادة "الفكر والثقافة الإنجليزية" من مستوى خامس، كلهم بنفس الوقت 
ف باقي فكر + صوتيات + تاريخ الخليج + علم اللغة الاجتماعي + مواد مستوى ثامن 
وبضطر اقسم المواد بين ترمين 
المهم
مستوى سابع خفيفه مواده مره، اللي نزلتهم طبعًا
كل المواد عدا "علم اللغة الإجتماعي"
علم اللغة النفسي، الملزمة مع شرح الدكتور
شرحه خفيف وواضح ويوصل المعلومة صح
النقد الأدبي، الملزمة .. اذا خلصتو راجعو اسئلة الأترام اللي قبل، مااعتمد عليها بمذاكرتي أبدًا لأن الدكاترة ممكن يجحفلوننا 
اسئلة فوزي سليسلي واضحة مافيها لف ودوران
الترجمة الإبداعية، حبيب الشعب حليمة
المنهج أدق من نظرية الترجمة، لازم تتابعون شرح الدكتور لأنه يشرح أشياء زيادة ع الملزمة، بالذات العملي، شلون تفككون النص وتترجمونه
شرحه واضح وشخص نرجسي يحب يمدح نفسه
طرق البحث، صديقي الفريدان .gif "(269)")
أتفائل بمواده كثير، اسئلته واضحه مررررره .. المحتوى مافيه شي ابد، شرح الدكتور مع ملزمة نقاء واضافات سويران + اسئلة الاترام اللي قبل اراجعها مراجعة فقط، مااعتمد عليها خوفًا من الجحفلة
شرحه جميل، مايستعمل مفردات صعبة، الا قليل مررره وتنفهم من سياق الكلام.
المسرحية الحديثة، خوينا الشناوي
المادة سهله واسهل من السهله، أول 3 محاضرات ثقيلة شوي، حاولو تذاكرونها قبل ليلة الاختبار.
باقي المنهج عن المسرحية وقصتها، اقروا الاحداث مترجمة بعدين اقروها بالانقليش، افهموها زييييييين
لا تحفظون الاحداث بدون فهم،لأنه بيجيب سؤال من نص الأحداث ماراح يجيب الأحداث متسلسلة.
المحتوى كافي مره للمذاكرة، واسئلة الاترام اللي قبل + الكويزات تثبت المعلومات، مااعتمدت عليها ابدًا
النظام الإجتماعي في الإسلام، المادة سهله ومحتواها حليو مب خفيف مره بس دقيق شوي، ذاكرت الملزمة بس ماركزت مره، احس لو كنت مركزة مره كنت طلعت بA+ بس الحمد لله على كل حال
كويز كاريزما راجعته وأنا عند باب القاعة، زي العادة مراجعة معلومات فقط.
نصيحة:
لا تعتمدون على الكويزات واسئلة الأترام اللي قبل
ذاكرو المحتوى وركزو عليه، عشان لو غير الدكتور طريقة الأسئلة نعرف نحل
وذاكرو بفهم، لا تحفظون وتمشون، الدكاترة خلاص يعاملون الطلاب إنهم بمستوى متقدم يعرفون انقليش وعندهم مخزون لغوي كبير من المفردات.
لا تشتكون على الدكتور لأنه ماكرر !
من حقه، عنده منهج كامل يقدر يغير بالاسئلة زي مايبي ..
لو طلع عن المنهج والمحتوى ممكن، لكن ما زال ماطلع لا تشتكون
لأن هالشي بيأثر عليكم ويأثر على الدفعات الثانية من بعدكم
ممكن تخسرون دكتور كويس ومتعاون، بسبب شكوى مالها داعي
وصلتو لهالمستوى، الحمد لله إنجاز كبير اشتغلو على انفسكم
عاملو انفسكم على انكم فعلا طلاب مستوى سابع على باب تخرج، مش طلاب مستوى اول، يبون منهج سهل وكوبي باست ومانعرف نترجم وحفظنا ولا جاب نصًا !
الله يوفقنا واياكم، وانا للان اعتبر خليط من المستويات لحد مااخلص مواد الاترام اللي قبل واتوجه ل بحث التخرج بإذن الله 
|
|
التعديل الأخير تم بواسطة hessah.f ; 2016- 5- 11 الساعة 07:56 PM
|
|
|
|