انا بتكلم من وجهة نظري ومن خلال تجربتي
خالد عبدالتواب - مبادئ قانون
للامانة المادة مو صعبة ابد ابد
بس تحتاح تركيز بسيط
لان المادة جدا المنطق يلعب دور اساسي فيها
يعني بالمنطق تاخذ القانون
والدكتور في البداية ما كنت منسجم مع اسلوبه
لكن شوي شوي بديت افهمه
الدكتور جدا متوسع في الشرح ويوصل المعلومة بشكل جميل
اسامه محمد - محاسبة1
نصيحة نصيحة اللي حاب يفهم هالمادة
يتابع شرح الدكتور عبدالعزيز المحارفي ( دكتور المادة السابق ) شروحاته موجوده باليوتيوب
يوصل المعلومة بشكل جدا مميز عكس الدكتور اسامه محمد ( ماغير يصارخ فالمحاضرة )
لكن اسئلته في الاختبار متوسطة كانت
وبشكل عام اذا فهمت الداين والمدين في هالمقرر فا امورك في السليم
الرياضيات1 ( أحمد فرحان )
للامانة وبكل صدق ورغم صعوبة الاسئلة اللي جابها الدكتور في الامتحان
الا انه يبقى من افضل الناس اللي ممكن تفهمك رياضيات حتى لو كنت شخص دارس ( أدبي )
شرحه جميل ومرتب وسلسل
لكن المشكلة انه بالاختبار جاب اسئلة مو صعبة حرفيا لكن كانت تحتاج وقت اكثر للحل ( ساعتين ما كانت تكفي )
وبشكل عام المادة تحتاح متابعة اول باول وش طبيعي
مبادئ الادارة / عبدالله الجعفري
الدكتور بصراحة شرحهه مجرد قراءة
والمادة تحتاج حفظ وفيها معلومات كثيرة
يعني موضوع انك تذاكر باخر لليلة ماينفع ابد
اقتصاد جزئي / حسن الهجهوج
للاسف هذا الدكتور يفكر ان الطلاب (خُبراء اقتصاديين ) وجايين يبون يضيعون وقت او يبون بس يسوون ابديت لمعلوماتهم
جد بخيل في الشرح وتوصيل المعلومة
مو ماخذ بعين الاعتبار ان اغلب الطلاب انتساب ويمكن الاغلبية مقدرت استيعابهم تختلف عن استيعاب طلاب الانتظام
يعطيك نص المعلومة ويقولك ارجع للكتاب
اسئلته في الاختبار هذا كانت سهلة للاغلبية لانها جاب مكس بين اسئلة 1435هـ و 1436هـ والاغلبية ركز عليها
لكن اللي زي حالاتي ذاكر من المحاضرات للاسف كانت صعبة
بشكل عام بنسبة لي الدراسة في هالسمستر كانت في استطاعتي بنسبة 70% تقريبا
بحكم ان القبول جانا متاخر
يعني الخمس مقررات اللي المفروض ادرسها في 4 شهور.. درستها انا في شهر ونص تقريبا
فا هالنسبة اشوفها جيده جدا مقارنة زي ماقلت مع الوقت
اللي حاب يدرس ويسجل يتوكل على الله وماراح يندم
اذا صعب عليه شي
الشباب هنا ماراح يقصرون
الملخصات منتشره في المنتدى هنا
والاخوان جدا جدا متعاونين
بس يحتاح منك انك تفضي نفسك كل يوم ساعة للمذاكرة
وامورك تمام باذان الله
اعتذر على الاطالة..