ملتقى طلاب وطالبات جامعة الملك فيصل,جامعة الدمام - عرض مشاركة واحدة

بعدين نتفآهم · 2016- 5- 12

اقتباس:

المشاركة الأصلية كتبت بواسطة ام علي و منور

وش اخباركم يالربع انا قصتي قصة طويله
1-انا الترم الي راح بمستوى خامس سجلت مقرراتي وفجأه جتني اضطرابات ذهانيه وتعب وجيت اقدم اعتذار او تاجيل لقيتهم مقفلين الايقونات وتركت الدراسه
2-لما جاء الترم الثاني لقيتهم قفلوا علي جميع الايقونات عشاني ماسددت ونفس الشي تركت الدراسه
3-ابغى ادرس السنه الجايه على خير وش المطلوب مني اسويه
احس اني ضايعه ولا ادري وش المطلوب مني اسويه عشان ادرس السنه الجايه على خير

*

ع مآ تحبين بخير و عآفيه يآرب لك الحمد أنتي بشرينآ عنك يالغلا , ؟

ألف لا بآس و طهور إن شآء الله
جعل مآفيك يخطيك و إن مآ أخطآك مآ يبكيك ..

لا لا منتي ضآيعه ولا هم يحزنون وصلتي خير يـ الغلا كله

أنآ أقولك يـ خلفهم وش المطلوب منك

1- الموآد اللي سجلتيها قبل و مآ أمدآك تدرسيها أو تأجليها
أول شي لازم تدفعين قيمة المواد اللي سجلتها و اللي مآ تم تأجليها

أي مآدة سجلتيهآ حتى لو ما درستيها و بما انك ما أجلتيها لازم تدفعين قيمتهآ

بعد مآ تدفعين قيمتها بتتفعل الأيقونآت عندك بالخدمات الطلابية
إذآ تفعلت عندك أدخلي قسم خدمات الشؤون الأكادمية أيقونة الأستعلام عن حالة الطالب الأكاديمية
لكن إذآ دخلتي الأستعلام عن حالة الطالب الأكاديمية بيكون حالة الطالب غير فعال ......

عآدي لا تخآفين

ليش حالة الطالب غير فعال .. ؟
عشآنك لك فترة منقطعة عن الدراسة

وش تسوين بالحاله هذي , ؟

أبد ما عليك إلا أنك تدخلين ع خدمات الشؤون الأكاديمية
و أدخلي ع أيقونة ( طلب عودة للدراسة ) و عآد أتبعي الخطوات اللآزمه

بعدهآ إذآ رجعتي دخلتي ع الأستعلام عن حالة الطالب الأكاديمية بيكون حالة الطالب فعال ......

نصيحة ... /

حآولي تتخآطبين بعد الدفع مع العميد / عبدالله الفريدآن
و أشرحي له وضعك الصحي وقت مآ أنقطعتي عن الدراسه
و قولي أنا أجهل لقوانين الجامعة و مآ كنت أدري اني لازم أأجل و من هالكلام

يمكن يسآعدك بخصوص الدفع أو المبلغ اللي دفعتيه للمواد و مآ أختبرتيها
أحتمال ينزلك الرصيد المدفوع فـ خدمات الشؤون المالية

و هذآ إيميل الفريدآن ...
afridan@kfu.edu.sa

يآرب أكون وفقت فـ شرحي لك ....