السلام عليكم .. تحية طيبه للجميع .. و اسأل الله ان يوفقنا جميعا لما يحب و يرضا ..
بالنسبه لي انا احب اشكرك .. على تبسيط مادة ادارة الجوده و يعلم الله لو ما قريت تبسيطك للماده كان ضيعت في الاختبار بشكل فضيع .. بالذات اني ذاكرت الماده اكثر من مره .. ولكن في كل مره الاقي نفسي مو مركز بشكل صحيح ..
بالنسبه للمواد ..
1- إدرة الجودة
كانت الماده سهله و الحمد لله بعد تبسيط الاخت جنون الحياة .. و اتوقع لو ما قريت التبسيط حقها .. كان جبت العيد في الماده بالذات ان الدكتور يعتمد على جزئيات صغيره و دقيقه و الاختبار كان شامل كل المحاضرات دون استثناء و اتوقع انه شامل كل التعداد و العلماء .. و انصح اي طالب ياخذ الماده هذي .. يخلي يوم او يومين قبل الماده عشان يقدر يذاكرها بالاضافه الي مراجعة ملف الغاليه ام جهاد ..
بالنسبه للماده نفسها و محتواها .. في اعتقادي ان الماده اخذت حجم اكبر من حجمها او توسعت في المحاضرات بشكل ممل .. بالاضافه الي انه اكثر الحكي اللي فيها مكرر و حشو و عباره عن جمل اقرب الي تشتيت الطالب ..
2- إدرة المشاريع
ماده رائعه و حلوه و محتواها مفيد و الحمد لله جا الاختبار على قدر روعة الماده .. و كل اللي يحتاجة الطلب التركيز و الفهم ..
3- إخلاقيات الأعمال
من اجمل المواد في محتواها .. تفتح ذهنك على عقليات غير عقليتك .. تعطيك انطباع عن ردة الفعل للجهات اللي تتعامل معاها .. ترفع من ثقافة الطالب علميا و فكريا .. انا عن نفسي استفدت من المحتوى في عملي بشكل رائع .. بالنسبه للأختبار .. كان الدكتور الله يسامحة مبالغ في الاسئله .. الي درجة انه ذكر في احد الاسئله .. اجريت عينه بحث على 131 دوله .. و جاب في السؤال كم عدد الدول التي اجريت عليها العينه ؟؟ .. فعليا انا كطالب لا احتاج عدد الدول التي اجريت عليها العينه و كل ما احتاجه نتايج التجربه .. ناهيك عن اسامي العلماء .. ايضا اجابات جدا جدا قريبه من بعض الي درجة انك تضيع بين الاجابه الصحيحه من شدة الخيارات اللي تشوفها قدامك و تعتبرها كلها صحيحه .. في نظري الدكتور ظلم طلاب كثير و حرمهم درجات عاليه في المعدل مع فهمنا للماده ..
4- الاخلاق الاسلاميه وآداب المهنه
الماده هذي اختبرتها السنه الماضيه و جبت فيها a+ الحمد لله ..
5- تعاقد وتفاوض
ماده رائعه في محتواها و سهل .. تحتاج الفهم .. تدرب الطالب على كيفيه التعامل في مقابلات التوظيف ايضا الي طريقه التفاوض في شتى المجالات ..
الاختبار كان جدا رائع .. و الحمد لله كانت الاسئله في روعة الماده ..
6- موضوعات خاصة في الادارة
ماده رائعه .. محتواها كان رائع
و الحمد لله الاختبار كان رائع في نفس روعة الماده ..
7- قضايا ثقافية معاصرة
الماده هذي تكلمت عن المستشرقين و الاديان .. و طريقة غزوهم للإسلام و مدى تأسس الحقد الصهيوني .. و في اخر محاضرة طرق المعالجه .. بالنسبه للماده رائعه و محتواها رائع .. بس اسم الماده قضايا ثقافيه معاصره .. اعتقد انه بعيد عن المحتوى .. و كنت اعقتد لما سمعت اسم الماده في اول مره .. انها تتكلم عن القضايا الاخلاقيه في ادارة الاعمال مثلا الغش و السرقه ايضا الاسم و القضايا اللي غزت اسواق الاعمال في عصرنا الحديث .. مثل تكنلوجيا الانترنت و التسويق عبر الشبكة العنكبوتية .. و التهكير و سرقة البيانات
بالنسبه للأختبار كان رائع و الحمد لله اتوقع درجاتي فيه عاليه ..
في الاخير .. اشكر جميع الطلاب دون استثناء .. و الله لولا جهودكم من بعد توفيق الله لما استطعنا ان تخرج اليوم ..
تحياتي و احترامي للجميع