|
رد: تحذير من الدكتور بسام أبو زيد المرعب
اقتباس:
المشاركة الأصلية كتبت بواسطة ممموني
من حقها تسوي تسوي دس لايك لو تبي > يعتبر رأي 
من المستحيل كلنا متفقين ع رأي ، واظنك انتي بعد مافهمتي كلامي
ع مين موجهه ومن اقصد، المعرفات اللي ماتطلع الا بالانطباعات السيئه
اظن اللي ذاكر بس اسأله الاعوام ماله وجه ينصح احد
ماراح يتكلم الا اللي اجتهد وتعب ،
ع فكره انا فاهمه ليش متأزمين من الموضوع لان اسلوبها تخويف وترهيب وهذا يؤدي للتحطيم، لكن لكل مجتهد نصيب ،
بس اتعب كل هالسنوات يجي دكتور ع اخر وماده مالها اي فايد بحياتي تنزل معدلي مو شي يقهر ، انتو ع ماظن ماعمركم مريتم بأختبار يصدمكم ماشاء الله تبارك الله الله يديمه
لا تاخذون كلامي ع محمل شخصي ، لكن ستبقى دفعتنا اكثر دفعت تأزمت مع الدكاتره وعانت منهم ... |
عندك مشكله في فهم كلمة "رأي" 
يعني لما أنا أحل مزبوط وأجي أقول الاختبار سهل هذا مب رأي؟ هم يلعنون شكلي ويسبوني وعادي، رأيهم كذا ؟
وكلامك "اجلد" هذا برضو رأي؟ سواء كان موجه ليونا أو غيرها ، انتي انبسطتي أن فيه أحد يغلط ويطالب شخص ثاني أنه يسكت ، تقولين له اجلد ..
وش حرية الرأي الي عندكم بالله، الي يقول كلام يعجبكم هذا له حرية رأي، أما الي حل ويقول سهل هذا مايعجبنا، ماله حق يقول رأيه..
أنا ما أتكلم عن عضويات أبو مشاركه وحده، أنا أقول دفعتكم يغلطون على أي أحد يقول الاختبار سهل، لو ان شاء الله واحد منهم من أبرز أعضاءكم..
وانتي جيتي تقولين لي لا دفعتنا قلوبهم على بعض.. علشان كذا جبت لك مثال.
خلي أبو عضويه جديده هذا مب موضوعي..
أنا أشوفك انتي الي ماخذه الموضوع بشكل شخصي..
كلامي كان عام، قلت لصاحبة الموضوع ان رعبها غير مبرر لأن فيه ناس من دفعتنا حلوا تمام بس ما كتبوا رأيهم
لأن فيه ناس بدفعتكم يغلطون على الي يقول انطباع ايجابي.
ما أدري وش الي خلاك تاخذين على عاتقك مهمة الدفاع عن الدفعه كلها مع أني لو أفتح أي موضوع بحصل لك أمثله على هالسلوك، فما أنصحك تدافعين عنهم وتبررين لهم..
وعموما ً تقدرون تقنعون أنفسكم ان دفعتكم تتلقى الصدمات للأبد.. بس هالشيء مب صحيح، على الأقل في سابع وثامن ما اعتبرها صدمات عليكم ، إلا إذا مستواكم باللغه جدا ً متدني هنا حاله أخرى.
دفعتنا كانت ولازالت تتلقى الصدمات وتهويل الأمور من دفعتكم.. ونجي بعدكم نشوف أسئلتكم نحصلها زي الفل ..
اختبار البحث الي انتوا مقتنعين أنه نكبه وصدمه لكم، وسببتوا لنا رعب فيه..
رحنا ذاكرنا وفتحنا أسئلته المكرره الي مجمعها ISeeU والله العظيم من برا المنهج !! ومع ذلك عاجبتكم ! لأنها تتكرر بس، يلا ذاكر أي شيء وأقرب شيء..
ويوم غيرها وحط أسئله تافهه اعترضتوا عليها..
يا بنتي ركزتوا في خياراته؟ كان حاط خيارات حتى البزر يحلها .. food و fool ومدري وشو .. يحط كلمات مالها علاقه بالمنهج أساسا ً.. لو مستواكم مستوى سابع مفروض تعرفون أن هالخيارات معناها غلط
دلاليا ً ونحويا ً وكل شيء ..
دفعتكم قبل الاختبار ناس مثقفين ويرددون أنهم جامعيين ومثقفين ومستواهم عالي مؤهل يكملون دراسات عليا..
بعد الاختبار يلطمون ويقولون احنا مجرد انتساب مفروض يكررون الأسئله ويراعونا، احنا مب انتظام احنا ورانا مسؤوليات وبيوت..
ثامن، مزاجهم يختلف قبل وبعد الاختبار ، واحنا ضحية هالمزاجات ..
علشان كذا احنا ما صرنا نروح نقرأ انطباعاتكم، صرنا نقول خلاص خلوهم بقسمهم يسوون الي يبون براحتهم..
بس تجي وحده لين عندنا علشان توصل هالسلبيه لنا وبهالشكل وبدون نصايح ولا تبرير ولا شيء..
كذا بس تقول مالكم أمل خلاص..
أنا مب متأزمه من الموضوع أنا جيت لصاحبة الموضوع أطلبها توضح لنا طريقتها لأن موضوعها بهالشكل فقد قيمته وما أبغى أنقله برا القسم لأني عارفه نيتها طيبه ..
بس هي تطالب بالتثبيت !!
سؤالي كان موجه لها وتعليقي ما كان فيه أي إساءه لثامن بس انتي أخذتيه بشكل شخصي ..
لأنك عارفه أن لك ردود بهالشكل الي نتكلم عنه ..
|