-
مازلت احس بالخمول الداخلي .. احس ان داخلي نايم
مالي نفس لأي شي ،، ودي بس اطقطق واضحك
هذي الايام كل سوالفي ضحك .. أمسك الواحد طقطقه ..
البارح سهرتي مع العائله ،، فسهرنا على مقاطع فيديو ( ماضينا الأسود )
خلص الضحك البارح يالله على ماضينا الأسود كل واحد فينا يسأل الثاني
هل انت راضي عن نفسك وانت تسوي هالحركات ؟؟!
انا مايحتاج اقولكم خيّاله .. دايم على حصان الى الحين لازم التقط صوره فوق الحصان
جدي الله يرحمه خيال وابوي .. فماهي غريبه علي
..
فيه احد يحس ( بالخمول الداخلي )
احس عايفه كل شي ،، اي احد يجي يقول لي مشكله اقول له ( انا تعبت فكوني من البربسه) والمسكين يكمل
وضعي مع العايله مصلح اجتماعي
ياخي احس بشي ماعرف كيف اوصفه ،، بس اقرب مايكون هو ( البؤس)
/
المهم بكره ان شاء الله عندي موعد مهم مهم مهم يالله جعله فاتحه خير علي قولوا امين
** هذي التدوينه ارسلتها بالخاص لعضو بالغلط مانتبهت اني فاتحه رسالته
اقسم بالله تفشششلت عاد عضو اول مره يكلمني بدل مارد عليه كتبت له التدوينه .. عملت نفسي ميته
ياشين اللي يطفي النور مدري متى يولع نوري انا لله :)
احيانا أضيع واكتب في مدوناتكم