2016- 5- 16
|
#62
|
|
متميزة في المستوى السابع - E7
|
رد: Hello , it’s me .!!
^^^^^^^
الا بس قدرات مطلوب وتوفل
اكيد لكن انا ما اعرف الا الجامعات الي حولي حق الغربيه
ام القرى , عبدالعزيز فما يستاهل افتح موضوع
بعطيكم مختصر ما اعرف
جامعه أم القرى - مكه , الزاهر
بعيداً عن تحيزي الشخصي ضد هذي الجامعه ونظرتي السوداوية لها
اعطيكم تجربه اختي فيها للتسجيل الحكومي المجاني
+أم القرى فيها انواع كثير من التسجيل تفتح في اوقات مختلفه ولازم متابعه مستمره عشان تلحق التسجيل
(انواع يعني ايه مره يفتح تسجيل منحه مره يفتح عادي وهكذا ولازم تحط عينك من التاريخ لان موقعهم فيه صفحات قديمة)
+تسجيل الماجستير ما يسمح الا بأنك تاخذ قسم في نفس تخصصك (او ممكن يسمحلك ع الموقع ولما توصل عندهم يقولوا لأ -وهذا الي حصل مع اختي- )
+ قدرات الجامعيين او التوفل (او بديله ستيبس) مطلوبين (محظوظين اننا نتخرج في منتصف ترم لان مواعيدها غير متناسبه مع مواعيد التسجيل في الجامعات)
+يوجد اختبار تحريري ومقابله شخصيه (والواسطه لها دور كبير -بعيني شفت ما سمعت من احد- )
+ ممنوع لبس البنطلون وحتى الملابس ذات الالوان الفاتحه او نص كم او اي شي 
+حسب تواصل اختي مع واحده من الداكاتره قالتها ان وضع الماجستير في الجامعه افضل من البكالوريوس -تدريسياً وعلمياً-
+التسجيل لا يتم الكترونياً ولابد من زياره الجامعه
ما عرفت اوصل لبرنامج الماجستير عندهم عشان اوضح الاقسام المتوفره لكن موجود عربي - انجليزي - اداراه اعمال - وكل القائمة الخاصه بجامعه عبدالعزيز ماعدا اداره اعمال الي تقدمه ام القرى داره اعمال شرعية
جامعه الملك عبدالعزيز - جدة
حسب تجربة اختي برضو للتسجيل الحكومي المجاني ويوجد المدفوع
+جامعه الملك عبد العزيز بشكل عام ما تتفاهم في مناهجها - أطول واصعب من مناهجنا - سواء بكالوريوس انتساب او ماستر - حتى في الانتساب الدراسه من كتب و الملخصات بنسبة قليله حسب ماشفت ايام دراسة اختي -
+بالنسبة للماستر ممكن تاخذ قسم غير تخصصك
+قدرات جامعيين والتوفل او بديله ستيبس
+لا يوجد اختبار تحريري او مقابله شخصية والقبول بالمفاضله بين الثلاثة (شهادتك , اختبار القدرات, التوفل)
+ حصلت الجامعه قبل عام واحد على اعتماد الماستر في قسم اداره اعمال عالمياً عشان كدا الدراسه بالانجليزي وممكن لو حاب احد منكم ياخده عندهم سنه او ترم اظن تأهيل للقسم تاخدوا مواد اساسيه
+يسمح بلبس البنطلون وكل ما تشتيه نفسك في حدود العقل والمنطق 
+ التسجيل لا يتم الكترونيا ولابد من زياره الجامعه لاكماله
= للمواصلات -بطل التوصيل- باصات ابو سرهد بـ 3 الاف في الترم ولكن بعض الباصات مهربده وما حصلت على نوع من الصيانه من سنه حفروا المحيط  عدا عن هذا ممتازين
+ لحسن الحظ تستطيع بالاتفاق مع دفعتك تختار المعلمين الي تبغاهم بعد موافقتهم - المعلمين طبعاً-
+يوجد فرع من جامعه الملك عبد العزيز في رابغ وهذا الفرع بالنسبة للمعيدين جنه لقله العدد والمنافسه وقريبتي فيها وضعهم كويس بشكل عام لكن الجامعه مهربده
+العدد الاقصى من المواد 4 في الترم
وممكن هنا تطلعوا على بقية برامج الماستر عندهم
ممكن اكون نسيت شوية حاجات بس افتكرها اضيفها
|
|
التعديل الأخير تم بواسطة msyuna ; 2016- 5- 16 الساعة 10:50 PM
|
|
|
|