في البداية مبروك للخريجين وعقبالنا دفعة ( العصاميين ) ولباقي الدفاعات . فكرة تسمية الدفعات باسماء رمزية تبعث على التحفيز والحماس ولها تأثير ايجابي وتخلق ذكريات حلوة عند الحديث مع زملاء من نفس المكان ,وهي فكرة جيدة ومعمول بها في كل الجامعات والمدارس والمراكز التدريبية . مثلاً انا متخرج من معهد الدراسات الفنية دورة 66 كانوا يسمونا دورة الستات ههههههههههههههههه حسبي الله عليهم , المهم بالنسبة للي حاب يكمل دراسة الماستر .. انا مقرر من قبل ما ادخل بكالوريوس اني اكمل إالى الدكتوراة ان شاء الله وإلى ما بعد الدكتوراه إلى اقدر من خلالها اقدم على وظيفة ملك المملكة ههههههههههههه امزح . من الامور اللي اعرفها ان الجامعات في الخارج تقدر تكمل على حسابك وسهل جداً في حال توفر الملاءة المالية هههههههههههههه الملاءة متعوب عليها , عساكم بالملاءة المالية دوم يارب
ومن الزملاء كمثال اعرف اثنين خريجين الجامعة العربية واحد تخصص شبكات والثاني إدارة أعمال اتوقع . المهم اثنينهم انقبلوا في جامعة الطائف وتخرجوا ماستر لغة انجليزية , واحد منهم قدم على شركة بوينج للطائرات وعرضواعلية وظيفة مدير تنفيذي في دولتين ( ماليزيا او هولندا ) لانه في الاساس يحمل تخصص نادر وخبرة عمل اكثر من 20 سنه ولان الرجل طموحة كبير رفض عرضهم وقال لهم لا انا ابي اكمل الدكتوراة قالو له ندعمك على شرط تبقى بعد التخرج نفس مدة الدراسة . اذاً فيه نقطة مهمه للموظفين في القطاع الخاص الاهلي مثل اي شركة حجمها كبير ولها ثقل في الاقتصاد . هذي الشركات من برامجها انها تتكفل برسوم دراستك الجامعية إلى الدكتوراه , داخلي او حتى في الخارج . اذاً انحلت مشكلة الملاءة المالية هنا . بقي اختيار التخصص . من المهم انك تختار تخصص مناسب لطبيعة عملك ولشهادة البكالوريوس حتى تستفيد منك المنظمة المتكفلة ببعثتك وتفيدهم .
بالمناسبة الماستر في بريطانيا سهل جداً ولمدة سنة فقط . واللي ابي اقولة خذوا الماستر من الخارج نصيحة!
هذا كل شي عندي وسلامتكم