|
رد: مٱ دٱم ٱلرگن هٱدي ولابه عبث وإزعٱج ,,نويت أرگن هموم ٍ من ٱلدنيٱ تزعجنـي
عفى الله عن عذابك والجروح إجداد
وإذا ماطابت جروحي عفى الله عن غرابيلك
دخيلك خف دمعك لاتقابلنا قبل يزداد
ترى ماعاد فيني قلب محتاجك وصافيلك
أبنسى كل ماشفته وبلقى للجروح أضماد
وبنسى عيد ميلاد الغرام أن كان له ميلاد
وخله ينفعك ظلمك مع غدرك وتمثيلك
بغيضك وأتركك كلك وببعد وأعتبرني جاد
وإذا صديت عنك لاتفكر عقبها أجيلك
مدامك قلتها بعضمة لسانك حبنا مافاد
توكل روح ولاترسل بعد صدك مراسيلك
صراحه خابت أظنوني من أفعالك وظلمك زاد
ولا بين بعينك حبي الزايد وتدليلك
تبيني أشوف ظلمك قدم عيني وأتركه ينعاد؟
تبيني أترك جروحي مع همومي وأغنيلك..؟
تبيني لازعلت أضحك..؟
تبيني لاعشقت أنقاد..؟
شسويلك ليا من خنت في حبي شسويلك..؟
من أول ماعرفتك مالقيت إلا هجر وبعاد
ومن أول ماعشقتك مالقيت إلا بهاذيلك
وأجيلك حيل متواضع تجيني في كبر وعناد
تشوف بعينك أن الكون مايوصل مواصيلك
تفضل روح عن قلبي ومالك في حشاه إقعاد
عسى لارحت عنه تشوف من يسمع مواويلك
ولوتبكي من الفرقا وتطلب من هواي إنجاد
ترى محدن بماسح دمعك أحسن من مناديلك
وأنا لو مابقالي وسط هالدنيا بشر وبلاد
تأكد دون ماحلفلك ترى ماراح أناديلك
أبلقى للحزن ضحكه وبلقى للفراغ أعياد
ولك مني ليا مني تذكرتك ^'^أبدعيلك^'^
|