|
رد: ♡ عسى العوض في مقبلات الليالي ♡
*
لسلامة قلبك و راحة بالك فيه شيئين لازم تتخلص منهم اولاً الحقد و الحسد و الكره ..
اذا تحقد على شخص انت قاعد تحرق روحك تقتل جمالها و نقائها و عشان تتخلص من هالشيء كرر هالآيه :
{رَبَّنَا اغْفِرْ لَنَا وَلِإِخْوَانِنَا الَّذِينَ سَبَقُونَا بِالإِيمَانِ وَلا تَجْعَلْ فِي قُلُوبِنَا غِلاً لِّلَّذِينَ آمَنُوا رَبَّنَا إِنَّكَ رَؤُوفٌ رَّحِيمٌ}
عشان ينظف قلبك على احد ادع له كل ما جاء ببالك و قام الحسد يحرقك ادع لهالانسان لان هالعمل عمل ابليس
و انت بدعاءك لهالانسان بان الله يغفر له قاعد تنفعه و تخزي الشيطان اللي قاعد يحرضك على حسده ..
شيء ثاني فيه اشخاص في حياة كل انسان منا وظيفتهم الوحيده ايذائنا نفسياً يعني مهما بعدت عنهم و سطحت علاقتك فيهم
احياناً تكون مجبور تلتقي بهم و تجلس معهم لاي ظرف كان .. هنا انت لا تعاتب و لا تبذل جهدك و طاقتك في نقاش عقيم معهم
ابذلها في الاستعداد لهم حصن نفسك بقوة داخليه تتصدى لاي كلمه منهم هو صعب الموضوع و كبشر بنتأثر لكن خله تأثر لحظي
لا تخزن كلامهم داخلك تجاهل كلماتهم لا تبين لهم انك تأثرت بها البعض يستمتع اذا حس انه له سلطه و يقدر يتحكم بمشاعر اي انسان
تماسك قدامهم بالعربي اقلب الطاوله عليهم خل هم اللي ينغثون لانهم ما قدروا يأثرون فيك بكلامهم السيء ..
و بس الله يرزقنا وياكم سلامة القلوب و طهارة النفوس و صباحكم سعيد 
-
|