باك
الله يذكرك بالخير أخوي دانجر
أخيراً بحس بطعم الإجازة
بنت أختي الصغيرة كانت عندي
أهلها كانوا مسافرين ووصلوا بالسلامة أمس
وخلال هذه الفترة أكتشفت معاني جديدة للجمل منها
جملة
خالة بصير حلوة
تعني
خالتي سويت مصيبة كبيرة
أخلي معاني الجمل على جنب شوي
ياحب الصغار للسوالف والأسئلة لما تكونين حاملتهم وتمشين فيهم
ياخي أنت قلبك مقطوع وتدورين النفس وهم محمولين ومرتاحين
ويسألون 100 سؤال في الدقيقة وماتكفيهم إجابة سريعة رؤوس أقلام
لا لازم إجابة تفصيلية تقولين لهم لما نوصل بعد شوي أبد مافي فايده
وبعدين مايعطونك مساحة
مخليه لها ثلاثة أرباع السرير هالنتفة وتزحف جهتي
وماسكتني لا أركب جناحين وأطير
ولما مرضت عادتني من كثر ماتتلصق فيني
والعلاج أنا مااحب العلاجات
بس عشان هالنتفة تقتنع وتشرب علاجها
لازم أشرب أنا قبل وأقول حلو
الزبدة بعد اللي شفته معاها
أتوقع أمها بيحذفونها حذف للجنة من غير مايحاسبونها