المشاركة الأصلية كتبت بواسطة a7sas malek

اخواني واخواتي الغالين

السلام عليكم ورحمة الله وبركاته

اليوم مثل ما وعدتكم رحت الجامعه وقابلت دكاتره واساتذة كثر
من ضمنهم

الدكتور فهد الخريف و حسام الصالح وايمن عبدالعال و محمود هلال و و و وكلهم قمة في الادب والاخلاق وسعة البال لسماع شكوانا واستفساراتنا …


بخصوص بحث التخرج و التدريب الميداني 3
اللي مكتوب نسبة الاقتباس عاليه ، يتأكد ان نسبة الاقتباس عاليه صحيح او لا
لان كان قدامي شخصين و قابلوا الدكتور ايمن عبدالعال
و وضح لهم ان نسبة الاقتباس عاليه ووراها لهم بالجهاز
هم يقولوا النسبة 24٪‏ وهو يوريهم انها 94٪‏
والسبب المكاتب اللي تنصب و تقيس الاقتباس من مواقع غير صحيحه

اما بالنسبه اللي مكتوب خارج التخصص
وهذا كلام الدكاتره وبالذات الدكتور فهد الخريف ربي يحفظه اللي جد جد ما قصر معانا ووضح كل الامور

قال حرفياً " ارفع تظلم واكتب انها داخل الاختصاص وان يرفع البحث او التدريب الميداني لرئيس قسم علم الاجتماع اللي هو نفسه فهد الخريف " وقال ما راح نقصر وبأذن الله نحول الرسوب الى نجاح .

لان هالشي وريتهم الملف اللي معاي واللي مكتوب خارج التخصص و قال مو صحيح خارج التخصص الا داخل التخصص وارفع ومالك الا طيبة الخاطر .

يارب اني افدتكم