قصيدة ياضيقه الصدر للشاعر حمد السعيد
بسم الله الرحمن الرحيم
السلام عليكم ورحمة الله وبركاته
يا ضيقة الصدر وش باقي على بكره
يا طول الساعتين وطول غربالي
الليل كله وانا فكره وراء فكره
ومن دلة الهم ماهزيت فنجالي
ما كنت اضن الحبيب اليا عشق يكره
الين جربت فرقا اللي شغل بالي
اثر الجفا موت مثل الموت له سكره
يالله لاتقطع الغالي من الغالي
من يوم قفا وانا للموت ابفتكره
والله ليبطي بقلبي منزله خالي
الطير لامن غدا ما عاض به وكره
يقضي وفعله مع المده يورالي
لا صار فعل وغلا بالقلب محتكره
في ضيقته يااخذ الاول مع التالي
كد قالوا الطير يا وفيه يانكره
واقول نكاره العشره بروا حالي
ارجع لموضوعنا السابق على فكره
ماني بانا اللي مفارق بس بلحالي
البعد سم البشر ماني بمبتكره
عزي لمن جرب الفرقا وعزالي
هذا الجفا موت ومثل الموت له سكره
يالله لاتقطع الغالي من الغالي
أتمنى أن تنال على أعجابكم
منقولة
التعديل الأخير تم بواسطة الأجودي ; 2016- 5- 24 الساعة 10:44 AM
|