المشاركة الأصلية كتبت بواسطة طالب جامعي 2015

يا جماعة الخير، صار اللي صار.
ايش رايكم نجمع الأسئلة اللي جاتنا قدر المستطاع ونبغى مشاركة ولو بسؤال واحد.... حتى لو كان بالمفهوم مو شرط نفس صيغة السؤال.
هذا راح يساعد أغلب الطلبة اللي حملو المادة وايضا بتساعد الطلبة الجدد انهم ينجحوا على الأقل. ملاحظة. مو شرط تجي بنفس الطريقة، احتمال يعكس كل شي ويركز فقط على النظري بدل الحسابي.
راح اسرد بعض طريقة الأسئلة اللي جات وأتمنى انه اي أحد يصححلي.
بالنسبة طريقة الأسئلة كانت كالتالي:
أولا في البداية، ما أعطانا أي قانون عشان نطبق، فيجب حفظ القوانين مثل اسمك.
جاب 3 جداول كل جدول أكبر من الثاني جاي بالعرض مو بالطول مثل المحاضرات النصية، فتلخبط شوي والظاهر انه لخبط ترتيب الجدول فلا تحفظ كريقة الطرح والقسمة بناء على الترتيب وانما احفظ القانون.... وفيه أرقام معطيات وبعض الخانات فارغة.... المطلوب تعبئة الخانات اللي في الجدول. يعني لازم تكونو حافضين القوانين.
سأل عن قانون القوس مع الاختيارات

جاب حوالي 3 رسومات منحنيات، وطلب الناتج الكلي والمتوسط، حجم المبيعات وبعض الأسئلة المتعلق بالمنحنيات.
وحدة من الأسئلة المتعلقة بالمنحنيات، انه اختار المنحنى اللي يعبر عن الربح أو المتوسط او الذي يعطي الشكل الصحيح.... شي زي كذة.... بس المشكلة انه المنحنيات الأربع اللي في الخيارات كلها متشابهة جدا جدا جدا ويصعب التفرقة.... كلهم لهم نفس المسميات والأرقام.... الاختلاف فقط في الشكل بشيء بسيييط وكان داخل النحتيات حوالي اربع خطوط
ما جاب التعاريف او المسائل النظرية السهلة.... أبدا ولم يتطرق لها.
الواجبات والاختبار الفصلي يمكن جاه منه 5 الى 7 أسئلة وكانت ملتوية في طريقة السؤال وفي الاختيارات ايضا. فلا تعتمدو على النجاح في الواجبات والفصلي.
جاب أسئلة كثيرة نظري عن حالات الناتج الحدي والمتوسط والمتغير وكانت الخيارات صعبة... مثل يكون يكون الناتج الحدي أكبر من المتوسط وأصغر من نقطة مدري ايش ويساوي الناتج المتغير.... يعني مثل هذي الأمور.
اذا كان الناتج الكلي تزايد يكون الناتج الحدي في زيادة وزي كذة.
جاب سؤال واحد فقط فقط عن مرونة سعر التوازن.
ركز على الثلاث فصول الأخيرة. مع انه ما جاب أسئلة تمارين كثيرة مثل ما عمل معنا دكتور محمد حق الرياضيات الله يرضى عليه دنيا وآخرة، لانه دكتور الرياضيات جاب الأسئلة بنسبة 90% من الواجبات، الفصلي وأسئلة المارجعة الشاملة.

يا جماعة شاركونا بالأسئلة ولو كنت ناجح.
راح أكلم بعض الزملاء عشان يذكروني ببعض الأسئلة وراح أسردها أول ما أجمعها