المشاركة الأصلية كتبت بواسطة ms.solo

وعليكم السلام

بجاوبك حسب تجربتي

في مستوى اول كان معدلي جيد وموادي 15 ساعه.

المستوى الثاني قررت ارفعه وأخذت 18 ساعه ودرجاتي ما بين امتياز وجيد جدا وجيد
وارتفع من جيد الى جيد جدا

بعد كذا استمريت سمسترين اخذ 18 ساعه والارتفاع كان بين وبين لكن لازال على معدل3 و التسعينات بالميه
مستوى 5 خذيت 13 ساعه ومعدل فصلي جيد جدا وارتفع الى 4.06

بعدها سادس وسابع 18 ساعه ومعدل فصلي امتياز وارتفع الى 4.15

وتيرم التخرج 14 ساعه معدلي الفصلي امتياز و تخرجت بمعدل 4.22


خلاصة كلامي .. عدد المواد ما راح يفرق عدد الساعات قليل او كثير
لكن نقاطك اللي تفرق وخصوصا مواد ال3 ساعات
الامتياز فيها 15 نقطه بينما الساعتين 10 نقاط

كثرت او قللت اذا ما شدِّيت حيلك ما راح يرتفع
والمستويات الاولى هي القاعده اذا شدِّيت حيلك بتضمن المعدل اما تحاول ترفع ع الاخير بيتحرك شي بسيط جدا
ندمي اني ما شدِّيت حيلي من الاول لان ما كنت عارفه شي بنظام الجامعه والمخ كان مغبر
فأنت اي شي يشكل عليك اسأل والله يكتب لك التوفيق