السلام عليكم ورحمة الله وبركاته .
اسعد الله اوقاتكم بالخير والمسرات .
طبعا الف مبروك للناجحين والى الامام . . . رغم انه مافي مجال ما ننجح ، السالفة مهي صناعة صاروخ .
ماني مطول عليكم لكن حبيت افهم شي غريب ما ادري اذا احد فيكم لاحظه .
للاسف انا ما اذاكر الا في ايام الامتحانات وبالتالي ما اخذ فكرة عن المنهج وما يكون عندي فرصة اناقش الدكاترة في المحاضرات المباشرة . طبعا يوم بديت دراسة التحليل الاحصائي تفاجأت بان المحاضرات الاولى هي عبارة عن الجزء الثاني من منهج مبادئ الاحصاء اللي اخذنها بالمستوى الثالث . او الثاني ما اذكر بالضبط . واللي كان عباة عن جزئين . جزء عبارة عن رياضيات سبق واخذناها ايضا في المستوى الاول والجزء الثاني يتحدث عن الاحتمالات اللي هو نفسه لكن معروض بطريقة مختلفة في المستوى الرابع . . . ؟!!!
اذا كان الهدف هو ملئ ساعات من الجامعة ليش يكررون مادة علمة سبق ودرسناها . . . بامكانك الاكتفاء بالتحليل الاحصائي . . . ماله اي داعي الاحصاء اللي اخذناه بالمستوى الثاني او الثالث . . . بامكانك استبداله مثلا بمادة مثل علم النفس . . . خبركم الادارة تخصص يتطلب التعامل مع محيطك ومع مختلف انماط الناس والشخصيات . يعني علم النفس ممكن يفيد كثير . بدل ما تحطلي مادة احصاء مجمعها من الرياضيات ومن التحليل الاحصائي . . . ؟!!!!