المشاركة الأصلية كتبت بواسطة Doremi

والله عنده مشكله جديه هالدكتور..

الترم الي راح بعد ما تحطمنا من الاختبار وقلت أكيد راسبين كلنا، رحت أخذت التصوير وراجعت حلولي
الي من المنهج حليتها والي مب من المنهج تأكدت منها من الانترنت ..

وتوقعت A على الأقل، ولو دفونا ممكن أجيب A+ بالراحه إذا مب 100..

الي حصل أنهم دفونا لكن بعد الدف أنا جبت B+ !!!
يعني حلولي غلط حسب نموذج الجماري .. إذا هو يغلط في المباشره والمسجله ومب عارف الأجوبه
تتوقعون أن حالته أفضل في أسئلة الاختبار ؟

الرجال منتهي ولما تكلمت عنه الترم الي راح كنت من جد شاكه في إجاباته هو، بغض النظر عن اعتماده أسئله دكتور آخر من منهج آخر ..

أساسا ً الطلاب الي ماخذين مشروع تخرج عنده ما يرد عليهم لين ينتهي الوقت .. دكتور مقصر ..

إذا بترسلون للفريدان وضحوا سالفة أن إجاباته غلط في المباشره والمسجله وبالتالي ما ندري وش مختار في النموذج ..

مع أني وضحت له الترم الي راح وجبت أدله ولا حتى عبرني ، يقول ارفعي تظلم.
رفعت وقالوا أنه تم إعادة التصحيح ومافيه غلط بالتصحيح..

---

هذا الدكتور الوحيد الي هبل فيني بهالجامعه وأتمنى أسوي عنه برنامج وثائقي أشوف وش سالفته

عموما ً لاشيء يدعوا للخوف بالنسبه للدفعه الي بعدكم كل ماعليهم يضمنون a+ بكل المواد الأخرى ويتعبون في اللغويات علشان دكتورها دقيق لكنه على الأقل مب مستحيل.. يمدي عالـA+ فيها ..

وبكذا يسوون الي عليهم بالنحو ويتوكلون على الله، أي نقص فيها ماراح يأثر عالمعدل إذا باقي المواد تمام..

موفقين