نصيحتي لكم امشوا على الخطة مثل ماهي .. كثير ناس ضلت تاجل وتخربط وتنزل وترفع وبالاخير توهقوا
اذا كان ولا بد فرتبوا جداولكم بحيث انه بين كل مادة ومادة يوم اختبار والمادة المستبدلة تكون من المستوى اللي يليه مباشرة
مثلا تبون تاجلون من ثاني خذوا من المستوى الثالث وهكذا
الكلام اللي اقولة لعدة أسباب
1- المواد مترابطة ومتتابعه في المحتوى وهذا بيسهل عليكم المذاكرة بشكل ما تتخيلونه لدرجة راح يجي وقت تختمون المقرر في اقل من 4 ايام
2- كثير ناس ما تعرف ايش سجلت وايش خلصت او تحمل مقررات لا سمح الله وما تنزلها التيرم التالي ع طول
ويجي تيرم التخرج تكون نست انهم ما اخذوا هالمواد ويسجلون
وبعدها يكتشفون انهم مو خريجين ويتبقى لهم تيرم بسبب مادة او اثنين
لاحد يقول لا بنتابع بايقونة التخرج وبنعرف موادنا
والله في ناس الى هذا التيرم تخرجوا ما تعرف من الخدمات الطلابية الا ايقونة النتايج والمالية ههههه
فلذلك نصيحة اخت حابة لكم الخير .. ( اتبعوا الخطة )
بالتوفيق