من كثر مايخطر براسي مواضيع ...
ماعدا أنام الا بصوت المنبه...
كبدي مميعها للبندول تمييع ...
في كل ست او سبع ساعات حبه...
ازرع بذور الطيب بالناس وتضيع ...
اغلبهم ويقفون من دون سبه ...
من كثر ما شفت ابتسامات وتصنيع ...
تعبت أقول الظاهر أني مشبه ...
حتى القلوب البيض صارت مشاريع ...
مستثمرة وكل مفتاح له ضبه ...
قلوب للايجار وقلوب للبيع ...
تمشي اذا هب الهوا مع مهبه ...
ياليتني شايف مفارق وتوديع ...
ولاشفت جثمان الوفا والمحبة ...
البعد صار لسجة البال تشريع ...
والمغترب ياصعب جرحه وطبه ...
محدن يلاقي بالتقرب منافيع ...
الا المصلي بإقترابه لربه ...
🌹❤️🌹❤️🌹❤️🌹