|
رد: ♡ عسى العوض في مقبلات الليالي ♡
*
انا زعيده لان اول مره يوصلني كوب لا مو كوب كوبين من برا و سليمات ماهم مكسرين 
يعني كل ما اطلب يجي مكسور و الا يده مكسوره و حتى لما قلت لاختي اطلبيه قالت عشان يجي مكسور كالعاده 
قلت لا ان شاء الله ما تنكسر  و هي تطلب اقول استودعت الله اكوابي  و ناقده على عمري انه شيء تافه و استودعه الله
احس الاستيداع لشيء مهم تستودعين ادمي ، مال ، بيت شيء عليه القيمه مو اكواب بس الحمدلله يمكن انا غلطانه بتفكيري ذا و انه مفروض اننا نستودع كل شيء الله مهما استحقرنا هالاشياء عاد مادري ..
المهم جت اكوابي و مذكرة بعد عجبتني بس للاسف بالانجليزي يالله مو مشكلة 
المهم ان احياناً احس اني عجوز في شكل فتاة
يعني سالفة اني اطلب من الامازون ما اعرف و لازم انتظر احد يطلب عشان يطلب لي معه
شيء ثاني النت فليكس ( مادري اسمه صح كذا و الا غلط علي ) مشتركين فيه في البيت اظن باشتراك مادري شسالفته المهم اني دخلت و هم يختارون فلم يتابعونه و شيء غريب ما اعرفه سالت وش ذا قالوا نت فليكس وش ذا متى جاء كيف عاد بدوا الاسطوانه المشروخه انت لو تطلعين من صومعتك كان عرفتي وش ذا انت لو تقعدين معنا عرفتي وش ذا خلاص انا اسفه ماعاد اسالكم ما ابي اعرف وش هو زين
-
|