صباح الخير بتوقيتنا الساعه الإن ٢،٥٠ صباحاً وأنا اكتب هذه الكلمات
المهم في كل سفره اكتشف عالم جديد وثقافه جديدة
اليوم وصلت جزيرة لانكاوي جزيرة جميلة وفوق مستوى الخيال
يعيب على ماليزيا شعبها التفاهم معهم صعب جداً يغضبون اذا رفعت صوتك على احدهم أو اشرت له بالسبابه يعتبرونها اهانة
عاد انا ماشاءالله علي اكثر من عشرين مره بغيت اتطاق معهم .. هم شعب ليس على نياته مثل الأمريكان والأوربيين والأندونيسيين
يعرف انك تطقطق عليه او انك مستلعن يستلعنون معك هههههه
امس طلعت في جزيرة اسمها جزيرة القرود واتوقع الي فيها اوادم اصلهم قرود .. المهم وصلنا بالقارب عند كشكات تبيع الأكل والعصائر انضح لي ان صاحب القارب ابنهم والعائلة امهم اسمها لانا ولها اخت اسمها رشيده وبنتها نوره واولادها ٢ وطلع صاحب القارب ابنهم الثالث .. المهم استقبلونا وشوينا الأكل معهم اثناء فترة تجهيز الأكل استأجرت من عندهم دبابين انا ومعي احد الأصدقاء .. دخلنا الغابه وابنهم الصغير معنا ع شان مانطيح في اماكن الكوبرا .. لأنه منتشرة بكثر في نصف الطريق تعطل الدباب ومن البداية الدباب كان واضح انه تعبان ودباب زميلي سقط الكفر .. قلت نرجع تعطينا دبابات ثانيه رفض ولاحظت انه يحاول يأخر الوقت ع شان ماأرجع الفلوس .. المهم رجعنا مشي .. الا الام امامنا قلت دباباتكم تعبانه واعيدي لنا المبلغ طال النقاش ولدهم الكبير يقول بنبره تهديد اخفض صوتك يستغلون خوف السياح من الغربه في هذه المناطق فيرضخون للأمر الواقع .. انا فيني عناده واعرف ان اكبر شيء يستفزهم رفعة الأصبع .. رفعت اصبعي بس معاند ههههه
المهم حصل تنويش بسيط واهم شيء رجعوا المبلغ مع انه مو ذاك الزود لكن مااحب الأستغلال نهاءي .. بعد نص ساعه صار بيننا صحبه واعتذروا وقدموا الأكل .. وطلعت معهم رحلة صيد سمك وعرفت اسماءهم وتفاصيل حياتهم ..
يقولون انهم ماعاد ينامون في الجزيرة لأن الساعه ٢ فجراً تنزل الأفاعي بكثرة تلتهم مخلفات الأكل وترجع للغابة اذا طلعت الشمس ..
باقي التفاصيل احكيها لكم في الوقت المناسب إلا إذا ماتبون من هالقصص نغيرها لكم (: