الله يجبر كسر قلبك أخوي مشعلي
وصدقني اللي يشوف مصيبه غيره تهون عليه مصيبته
عمتي فقدت في شهر 8 اثنين بحادث ولدين اعمارهم 19 و24
كانو متوجهين يختبرون بالجامعه
وماشاء الله عليها تقول الحين مو وقت ابكي عليهم
الحين هم بحاجتي اكثر من يوم كانوا عندي اعتمرت وتصدقت عنهم وحفرت لهم بئر في دوله من دول أسيا الفقيره
وتستغفر لهم طول وقتها وأول يوم رمضان الكل خايف عليها وكان عندها
لكن قالت أنا ماعندي وقت اضيعه بالبكاء عليهم
يالله يكفيني وقتي ادعي واستغفر لهم واللي اقدر عليه أسويه بالشهر الفضيل هم ينتظرون هداياي
يارب أجبر كسر قلوبنا وامسح عليها بطمأنينة منك وصبر ، وأبدل حالنا حالا أفضل بمنـك وجودك ورحم أمواتنا وأموات المسلمين يارب