ملتقى طلاب وطالبات جامعة الملك فيصل,جامعة الدمام - عرض مشاركة واحدة - محتوى مقرر توجيهات للمنتقلين إلى المستوى السابع Senpai's Guide to E7

جلاد السهر · 2016- 6- 10

اقتباس:

المشاركة الأصلية كتبت بواسطة doremi

[align=center][table1="width:100%;background-image:url('https://lh3.googleusercontent.com/-4daays4zxyy/vwszkgrjuoi/aaaaaaaam88/tugxjqquskwljgetxk1zxd2b6_yquqwwqcco/s297-ic42/9oij.gif');"][cell="filter:;"][align=center] [align=center][table1="width:100%;background-image:url('https://lh3.googleusercontent.com/-ytcix9d4qoq/vwsxxkpqu3i/aaaaaaaam8w/lkrhghy6ns8z-rmjxutygrlwood4nllfwcco/s968-ic42/990.png');"][cell="filter:;"][align=center]

.

[/align][/cell][/table1][/align]

[/align][align=center]

.

كلها حاجات نعرفها لكن كنا نحتاج نراجعها، درسناها في الفقه والمواد الدينية أيام المدرسة..
مثلا ً أحكام وأركان الزواج والخطبة والطلاق والأسرة وغيرها..
<-- كارزما الحين تقول باللهي؟ من الي سوت مناحه ليلة الاختبار؟
الحلو أن الدكتور مو حق حفظ عبثي، يعني تلاقون كلام كثييير في المنهج تحسون أنه مب مهم..
واااضح وش الي مهم والي مجرد كلام..

المحاضرات المسجله ما نحتاجها لأنه يشرح فيها حاجات مو لنا (للانتظام )..
يقول فيها أنه مطلوب منا بحث وحفظ سورة من سور القرآن، بس هالكلام مب موجه لنا ولا مطالبين فيه..
يعني من الحين لاحد ينفجع إذا حضر المسجله..

هو ينزل لنا ملخص في البلاك بورد هو الي مطالبين فيه
الملخص هذا موجود في المنتدى باسم : حلم المشاعر.. معتمد خلاص
يقول مب مطالبين بأقوال علماء ولا حفظ أدله.. أطيب من كذا مافيه.

أشوف المنهج يحتاج قراءة بتركيز خاصة الي يحفظون بسرعه ممكن يخلصونه في يوم واحد.
أنا احتجت يومين لسببين:
- حفظي بطيء خاصه إذا الاختبار مو بكرا تتبلد الأحاسيس..
- محاضره 4 و 5 طويييييييييييييييله خير! وحده منها 13 صفحه والثانية 9 أظن.

عموما ً ركزوا في الأحكام شويات
مب كثيره هي، ومنطقيييه وبديهية بس يعني ركزوا في الحالات الخاصة للأحكام.
فيه شغله كانوا يغلطون فيها كل الدفعات لحد ما وصلت للدفعه الي قبلنا واكتشفوها.

الدكتور يقول في واحد من الأسئلة "الزواج في سن متقدم .... إلخ"
والناس تحسب سن متقدم يعني كبير في السن..

طلع يقصد الزواج المبكر من سن صغير، وعكسها هو السن المتأخر على قوله..
راح تجيكم شغله وحده صغيره عنها في المنهج بس قلت أنبهكم..

الكويزات والأسئلة السابقه لهالمادة فيها بعض الأخطاء انتبهوا، ذاكروا بعدين حلوا ..
وفيه كويز لكارزما صححت الأخطاء .. بتحصلونه بالتجمع ..

- بس ترى أسلوب سرد المحتوى مستفز للي ما يحبون هالأسلوب-
-الي ما يحبون المواد العامه مثلي يستحسن يقرونها قبل إذا ما كان قبلها يوم فاضي -

طريقتي بمذاكرتها علشان أخلص بسرعه وما أتوتر :
محاضره 1 - 2 - 3 ... بعدها 7 لآخر المنهج لأنهم قصااار مره..
بعدين خذوا 6 ظريفه شوي..
بعدها 4 و 5 .. لو كانوا آخر شيء ممكن الواحد يتحمس يخلصها ..

( التجمع )
(الانطباع)
(التصوير)

الترجمه الابداعية / د.أحمد حليمه، الي صار كيوت مؤخرا ً..

الماده أسهل من نظرية الترجمه، بس تحتاج واحد يفهم المادة ويشغل مخه..
المحاضره الأولى فيها تعاريف وحبتين علماء ممكن يصدمونك من الماده، بس ما تلخبط كثير.

كتبت في تجمعنا تفصيل لمحاضرات هالماده وتقسيم المنهج:

المحاضرات 1 و 2 و 3 تمام يعني منطقيه والواحد باقي متحمس ببداية المادة
فاستغلوا الحماس وخذوا أول 3 محاضرات ورا بعض بنفس اليوم ..
محاضره 4 فيها استفزاز، شوي تحتاج وقت مدري ليش ما تخش المخ بسهوله، الأغلبيه عانوا معها.
محاضره 5 عن تفسير القرآن، حلوه وأخذنا منها في نظرية الترجمه.
محاضره 6 عن ترجمه الأحاديث، ظريفه جدا ً.
محاضره 7 حفظت المقطع الأول 4 مدري 5 أسطر.. وانتقلت للجزء الأخير في الصفحه:
Translation of oration وكملت المحاضره لآخرها
بعدها رجعت للجزء الي تركته، حسيته مشى أسرع كذا ..
محاضره 8 تمام مافيه شيء أقوله عنها..
المحاضرتين 9 و10 حبيتها عجبتني سالفة الأقنعه الحزين والفرحان وسوالف أصل الدراما وهالأشياء.
المحاضرات 11 - 12 - 13 تمارين، ويعيد أهم النقاط، مثلا ً تمرين عن ترجمة قصه قصيره
يروح يجيب لك قبلها أهم الخطوات لترجمة القصه أو معلومات سريعه يذكرك ..

تقريبا ً الي يبي يتمخطر في مذاكرتها بيقدر يعطيها 4 ايام؟ أو 5 تقريبا ً..
بس أكيد الي بيذاكر بصمله وبسرعه بيخلص في أقل من كذا
أنا تقريبا ً أخذت اسبوع بس كنت بطييئه..

المعروف أنه ما يحل التمارين ويجيبها في الاختبار
بس أغلب التمارين حلولها موجوده وفروها الدفعات السابقه بسؤال الدكتور نفسه.

تجمعنا تبع الماده مروا عليه علشان التمارين ..
والي قفلت معاه ما يبي يذاكر يقدر يسلك لنفسه هناك لحد ما يمشي شوي بالمنهج..
عموما ً الماده كانت طايره حوالين مخي لحد ما راجعتها رسخت الحمد لله

( التجمع )
(الانطباع)
(التصوير)

المسرحية الحديثة / د.ابراهيم الشناوي
هالماده أخذتها بمستوى 6 - الي أعرفه أنها ألطف ماده مرت علي..
ملخصها كان منرفزني لأن الخط كبير وصفحاتها صارت 80 وشوي
رحت صغرت الخط وصار 40 صفحه وشوي.

طبعا ً المحاضرات الأربعه الأخيره من الماده أغلبها تكرار وإعاده لنصوص الروايه.
تقريبا ً 30 صفحه هو المهم.. 3 محاضرات الأولى عن المسرحيه وروادها وهالخرابيط.
بعدها ندخل في رواية "بيت دمية" والي بيقراها للمتعه بينبسط
وترسخ في مخه تفاصيل معينه ممكن يسأل عنها الدكتور..

عموما ً طريقه مذاكرة الماده حسب كلام الدكتور، ذاكروها بطريقة أسئلة وأجوبه..
بس شفت أحد يشتكي من الملخص المترجم أن ترجمته مب دقيقه..
ممكن أفضل حل لكم تشترون الروايه بالعربي أو تحملونها pdf وتطبعونها بس تقرونها في الصيف
للي يحبون القراءة..
يجيك واحد يقول ( ماعاد إلا هي أذاكر في الصيف ) ماقلت ذاكر يا فله قلت اقرأ، ترى كف

(التجمع)
(الانطباع)

النقد الأدبي/ د.فوزي سليسلي../ ماده أبو 3 ساعات ..
هذا المنهج زي ما قالوا كارزما ومس يونا، هو نظرية المعرفة لكن بالانجليزي.
مب نفس محتوى ترى، بس المقصود أن فيها سوالف أرسطو وأفلاطون وفلسفتهم.. على خفيف

المحاضره 3 تاخذ وقت، ممكن هالمحاضره لو تنسمع من المسجله تخلص أسرع.
الباقي ما سمعتها مع أنه حسب كلام كارزما يبان وش الي يركز عليه والي يقراه سريع.

عموما ً ما أظن أحد بيعطي وصف مطمن ومريح لهالمادة أكثر من أسيرة المشاعر..
هذا اقتباس من كلامها:
" النقد الادبي المحتوى كبيير جداً وقرقره
لكن دكتورها متعاون وسهل لنا كثير وماتعمق بالمحتوى
أفضل طريقة لمذاكرتها اول شيء تطبع اسئلة الاعوام حق جميع السنوات
لان في كل سنه يزيد الاسئله جديده وذا في صالحنا ان تزيد عدد الاسئله
بعدين تمسك المحتوى وتقرأ المحاضرة بعدين ارجع للأسئله
وشوف الاسئله الي جت عليها وبعد كذا تبدأ تذاكر
عشان تعرف على ايش تركز وماتضيع وقتك بغير المهم
لان المحتوى طويل وياخذ وقت وللأمانه انا مافتحت المحاضرات المسجله أبداً"

×××

حسب رأيي هالماده سالفتها كلها تتمحور حول التالي:
اليونان كانت عندهم علوم وفلسفه ودرّكوا الأدب كله..
بعدين جوهم الرومانيين احتلوا اليونان، وفجأه اكتشفوا أنهم احتلوا بلد مب هين..
وجاء واحد اسمه هوراس قال ( اليونان المحتله، جعلت المحتل القوي حقها ما يسوى قرش )
وبدأت عقده عند الرومان يبغون يقلدون الأدب والعلوم تبع اليونان..
بس ماعندهم سالفه فقال لهم هوراس قلدووهم بالضبببط لا تستحون مافيها شيء..
وقلدوهم بس ما قدروا يسوون حضاره أدبيه فخمه مثل اليونان..
السبب ان التقليد ما يعطيك شيء أصلي أو فريد من نوعه :looking_anim:

الرومان أشداء ومحاربين وأقوياء عسكريا ً بس ماعندهم سالفه بالأدب والشعر..

هنا جونا الاوروبيين، تعلموا حركات المبزره الي يحتلون دول ويستولون على التجاره
ويستعبدون الناس ..
ففكروا أن هالعظمه والقوه تحتاج أدب وحركات زي اليونانيين علشان يسوون
نشيد وطني ويكتبون شعر في الكتب ويخلدون أنفسهم وانجازاتهم العسكريه في التاريخ ..
بعدين الدلوخ قلدوا التقليد حق الرومان بس عندهم قوة وجه هالأوروبيين ..

قلدوهم وكملوا، عارفين أنهم ما ابتكروا شيء جديد خاص بهم، بس كملوا عادي

.
من هنا المنهج يعلمك سوالف مين قلد مين وإيش رأيهم بهالتقليد، وحاطين قوانين
يعني كيف تقلد صح وإيش تتجنب لما تقلد

المهم المنهج .... مدري وش يبي مب صعب ، بس ثقيل دم..

كيف ذاكرته؟ مططت وقتي لأن كان عندي وقت..
أول يوم أخذت محاضرات 1 - 2 - 3 .. خلصتهم تمام وراجعتهم..
اليوم الثاني مفروض 4 - 5 - 6 - 7 .. بس أنا قسمتها علشاني انشغلت..
طبعا ً كل محاضره أخلصها أرجع أراجعها لحالها، أو كل محاضرتين أراجعهم سوا أحسن..
اليوم الثالث من 8 لآخر المنهج.. هنا ما راجعت بعد كل محاضره..
اليوم الرابع راحعت الجزء الأول من المنهج مراجعه مضبوطه..
اليوم الخامس مراجعه من 8 للأخير + مراجعه كل الأسئلة السابقه..

هنا الي عندهم وقت يقدرون يسوون كذا لأن الماده تطفش ولو انضغطت فيها
بتكره أبو الدراسه كلها..

بس بعطيكم شيء مبهج.. المنهج 14 محاضره تمام؟
إذا خلصتوا النصف الأول من المنهج (7 محاضرات) وحالتكم حاله وتقولون بكل يأس:
(يلا هانت باقي النص) .
أقول لكم لا ما بقي النص، بقي أقل بكثير وأسهل بكثير من النصف الأول.
حسب الملخص الي معي، النصف الأول من المنهج 26 صفحه وتطفّشك..
النصف الثاني محاضراته أسهل زي ما قالت نوره بنت بابا .. وعدد صفحاته 12 بس

وأخيرا ً... لااازم تمرون على تجمع كارزما لهالماده
تجمع فخم ومسويه كويزات لكل الأسئله السابقة، ماعمري شفت تجمع كذا ..
والتجمع نفسه يهيئ للمذاكره ..

الماده بجدول الاختبارات ماقبلها يوم، على طول اختبار علم اللغه الاجتماعي
بعدها نقد.. فبديهي الواحد يختمها ويصمها قبل.. يجيك الحين واحد عارف نفسه
يقول (موضوعك يخلو من المنطق) علشان قلت اختموها قبل

بس برضو

بعطيك نصيحه لك انت بس لأن حالتك صعبه وماعندك سالفه.
لا تنزل علم اللغه الاجتماعي الترم الجاي لأنك ما تبي تختم مواد قبل
فشف جدولك وش وضعه ورتبه على هالأساس..

(التجمع)
(الانطباع)

علم اللغه النفسي/ د.محمد المعيلي..
المحتوى ممتع ولذيذ للي يحب هالأشياء
والصراحه تخليك تحترم هالعضو بجسمك الي اسمه دماغ.
التقنيات الي فيه إعجاز بجد سبحان الله، ما كنت أدقق بالسالفه قبل ما أقرأ المنهج..

الدكتور أسئلته كذا غريبه للأمانه، من جد مدري كيف يخطر على باله..بس مب صعبه 100%
النجاح فيها مضمون ان شاء الله، الـa+ مضمون بعد، للي يفصفصها مزبوط.
أنا طالعه من الاختبار قبل كم ساعه وحاسه اني جايبه 100%
إلا لو فيه سؤال واحد ما دريت عنه..

طريقتي بالمذاكره للي يبي يستفيد..
( مب بالضروره الكل يحتاج يتبعها علشان يحل مزبوط، هي ناسبتني )

أولا ً ذاكرت من المحتوى الغير مترجم ( 26 صفحه) بس لاااازم الاستماع للمسجله كلها..
كلها أبو 13 دقيقه و 9 دقايق.. 2 منها أظن 23 دقيقه..
يعني قصيره، يفهمك الفكره ويرسخها..
هذي مذاكره أوليه بتركيز وفهم.. بعد كل 3 محاضرات أراجع الي قبل..

ثانيا ًبعد المحتوى راجعت كويز الدفعه الي قبلنا ودفعه ثانيه قبلهم والسلام..
قبل لا أروح المركز راجعت المنهج كامل..
ما أحب أكثر على نفسي مصادر لأني أضيع وأتوتر وأتذكر اختبار الرياضيات حق ثالث ثنوي..
فنمشي على نصيحه حبيبة قلبي msyuna

^
يمين بالله حكيمه !

شرح أسيرة المشاعر للماده
http://www.ckfu.org/vb/t712311.html

شرحي ما يوصل لشرح أسيره أكيد وما حاولت أحتك
بس الي يبيه هذا هو..
ناقص محاضرات 2 - 6 لأنها سهله وما أسعفني الوقت

محاضره 1
محاضره 7
محاضره 8
محاضره 9
محاضره 10
محاضره 11
محاضره 12
محاضره 13
محاضره 14

( التجمع )
( الانطباع )

أحب أنوه أن التجمع الي سوته كارزما جبار وما يتفوت..
نبهني لحاجات كثييير كنت راح أغفل عنها..
جدا ً مفيد كمراجعه..

علم اللغه الاجتماعي/ د.محمد الهلال..
المحتوى مأخوذ من كتاب بدون ترتيب شكله، ماخذ مواضيع منوعه ..
المهم الماده في مذاكرتي لها ماحسيت صعوبه كمحتوى..
بس أسئلته يتوقع منك تكون فاهم وعارف الكلمات الي مرت عليك..
يشيل كلمات من التعريف أو الجمله، ويحط الخيارات زي بعض لكن اختلاف
في الكلمات، يجيب كلمات مشابهه..
ناس قالوا أنه يحب يدقق في الاملاء.. حطوا هالشيء ببالكم..

مدري وش أقول، المحاضرات الأولى أسهل كفهم، بس الصراحه من 8
وبعدها مشيت أسرع في المذاكره، يكون فيه حاجات كثير واضح أنها قراءة
أو أمثله طويله واقتباسات..

الأول متعب شوي بالحفظ لحد 4 تقريبا ً وبعدها تصير أسهل..

ماذاكرت إلا المحتوى الغير مترجم 47 صفحه تقريبا ً، وكويزات أسئلة الدفعات السابقة..
*المحتويات أغلبها إذا ما كانت كلها فيها غلط بمحاضره 2 بتلاحظونه أكيد بس حبيت أنبه عليه:
signified is the meaning or concept associated with the singified
الكلمه بالأصفر غلط، تصحيحها signifier

( التجمع )
( الانطباع )

** مافيه تصوير لأنه هو هو نفسه هذا :
http://www.ckfu.org/vb/quiz.php?do=take&quiz_id=11697

طرق البحث وتصميم الأبحاث/ د.عبدالله الفريدان
يقال لك ماده تعلمك كيف تسوي مشروع تخرج.. الدكتور الفريدان رجل لطيف..
بهالمحتوى الي اختاره، يمديه وربي يطلع عيونا وما ننجح..
أول شيء الي لغته كويسه، ما بيعاني بهالماده خاصه في الاختبار لأن الدكتور يتعمد
يحط اجابات مالها علاقه بالمنهج..
بالنسبه لي اعتمدت على الله ثم المحتوى + أسئلة iseeu
أسئله مجمعه لكل المحاضرات بالترتيب.. موجوده في تجمعنا بتحصلونها.
ترى iseeu نبهنا على كم سؤال غلط، برضو مذكوره في التجمع انتبهوا لها..

هالماده يستحسن تحضرون مع الدكتور محاضراته علشان تفهمون..
الي مستغني ممكن يعتمد على الملخات الي منزلينها سويران و أنذر دي ..
هم كاتبين اضافات الدكتور كلها..

أنا اعتمدت على سويران + المحتوى فقط..
أنذر دي والعاصمي فتحتهم عالجهاز ماحسيت فيه شيء اضافي
ماعدا محاضره من المحاضرات الأخيره رجعت له لأن فيه شرح..

يعني، قارنوا وشوفوا الي يريحكم..
المهم أن المحتوى لحاله أبو 17 صفحه مب شامل.. الدكتور ما يكتب كل الحاجات
المهمه في الشرائح..

( التجمع )
( الانطباع )

الأسئله مكرره من أسئلة الأعوام السابقه وجمعها لكم iseeu الله يجزاه الجنه..
موجوده بالتجمع..
بس يقولون هذا الكويز هو نفس أسئلتنا:
http://www.ckfu.org/vb/t750847.html

[/align][/cell][/table1][/align]

يا جماعه مافيه احد عاااقل او وحده عاااقله تعطينا انطباع عن مواد مستوى سابع

امزح امزح

كلامك هالمره منطقي نوعا ما

لأن مافيه ولا ماده قلتي اعتمدوا على الأسألة السابقه معقوله ولا دكتور كرر