-
اذكر بالصف الاول متوسط معي بالفصل طالبه بهآ ( صرع ) الله يشفي مرضى المسلمين
ولا كنّا نعرف لاننا مستجدين ولانعرف بعض كثير والمعلمات كذلك
ووحده من المعلمات شديده قست على هذي الطالبه بيوم .. في اخر حصه الساعه ١٢
قالت لها اطلعي برى .. فطلعت البنت وكنا نشوفها وهي واقفه لمده عشر دقايق برى ثم اختفت ظنينا انها راحت لاي مكان
بعد نصف ساعه انتهت الحصه وطلعنا ،، فشفنا البنت طايحه متشنجه والمعلمه بكل قسوه قلب تلتفت عليها وتعطيها نظره خاطفه ثم توليّ
انقهرت وش هذا التكبر والجبروت والقسوه في بعض الناس !!
في الصف الثالث متوسط معي نفس البنت ..
فمره نهرتها معلمه العربي ،، وأكملت الشرح طبيعي حتى تشنجت الطالبه وهي على كرسيها
والطالبات كل وحده تصيح وكل وحده تنحاش كأن اللي فيها جني مب صرع!! هذا التصرف غاظني وقتها
المعلمه شافت البنت وبدأت تقرأ عليها وتسمي وتأمرنا وتعالي وروحي وشيلي وامسكي..
شتان بين هذي وتلك !!