|
رد: أحــــاســــيــــس صـــامـــتـــه
صابرين الله يعين الصابرين
من فراق اللي نزلوا وسط القبور
وشاكرين الله يزيد الشاكرين
بالثواب الجزل وعظام الأجور
حالتين ولاهين بأية حالتين
خير للمؤمن على صبره شكور
نبتسم والقلب مجروح وحزين
والخواطر ما لقت جبر الكسور
نذكر اللي فارقونا وحاضرين
يوم كنا نجتمع قبل الفطور
شدوا ركاب المطايا ضاعنين
والزهاب اللي خذوا منا سرور
خلو الرجم اللي جمعنا حزين
وجرّت خطاهم على القاع محفور
نتبع الجرّه مع الأماني إلين
جينا مركوز النصايب بالقبور
الرحيل أبعد من حساب السنين
عن وداعٍ كاتمينه فالصدور
ما بقى غير الدعاء للراحلين
وساقي دموعٍ على الخد محفور
ندعي ياربي على الدنيا تعين
ويالله تجزاهم جناتك يا غفور
#للراحلين
|