مسرحية هزلية غير مرتبة ومقصود اللعب بكل شي فيها كل شي . خلك من كل شي والمعنى اللي تفهمه هو المطلوب.
بداية المسرحية .
الفصل الاول المشهد الاول.
يلبس اجمل ملابسه الغير محتشمة داخله انها ملابس طيش قناعاته انها ملابس لايلبسها الا الرخيص . يتصل على زميله يتقابلون بالسوق .
يتميلح للكل يغازل الكل داخله انه فارس بس يحس انه خاوي ماعنده سالفة ..
ينظر لصديقه يقوله شوف هذيك يقوله من الدبه قال لا: ملعونة الوالدين ام .....
صاحبه يضحك اي شايفيها جالسه تضحك لي من بدري .(كذاب بس لازم يسوي نفسه ...)
يدخل سوق الملابس أﻻ رجالية يشتري سروال طايح وكل الفضايح .
يرجعون لبيوتهم يقابل بعضهم يقول يا أنا شفت شي اليوم وهات ياكذب .
يقطعه صوت احدى قريباته تبي السوق . يقولها اقلبي وجهك .غيري لبسك لاتتعطري يروح لمه يقولها بنتك لبسها وووو . وتلغى الطلعة .
المشهد الثاني :
تكشخ باجمل ملابسها كلها محتشمة لايظهر سوى 99% من صدرها ونص فخذها وشي قليل مغطى من وجهها . عطرها صارخ وكعبها فاضح تهز الارض وتهتز ...جنبات العرض ..والطول في المكان.
تطلع للمكان العام تكره الحرام لاتنظر سوى في الاوسم تفتح جوالها . وتحط سماعة بلوتوث تناظر الشباب وتصور سناب وتقول للاخر استحي ماعندك خوات خربت الصورة . تضحك معه تقوله انت سخيف ماتحترم المحترم شايفني كيف يقوله كلك طيش تفتخر وتقول داخلها انا الاولى هزيت مشاعر كم سخيف؟ .تنتهي الجولة وترجع بذكريات اسوأ وتقول لازم المرة الجاية اكون اكثر غواية واعلم صديقاتي ونطلع يمكن يكون الصيد بالجملة.
لحظة لحظة لحظة .
ماسبق كتابته لم يكن بغرض العرض الجيد بل كان متعمد ان يكون بلا اسلوب بلا ترتيب بلا نمط لغوي بلا وبلا وبلا .. لان الموضوع اللي نتكلم عنه هو كذا . لا تفكير ولا اسلوب ولا هدف .
طيب المختصر .
هذا وضعنا الان شباب وبنات السؤال. ليه تزعل من انتقاد كبار السن لك ؟
والسؤال الاهم دامك تشوفه شي عادي اوتشوفيه من حقك .هل هل هل
هل سيكون تربيتك لاولادك على طريقتك هذي .
طيب ليه تكذب/ين لاتزوجتم .
كل يقول ماسبق سيء وقليل الحيا من رباهم .
ليه الكذب دام الان هذا وضعك . وتبي اولادك ائمة مساجد وبناتك داعيات.
ليه الكذب هذا الحال هذا الحال ليه الكذب .
على فكرة انت الان تربي الجيل القادم قبل ان يولد.