المشاركة الأصلية كتبت بواسطة غيم تايه

والله المبلغ كبير .. وطريقة ارجاعهم لنصف المبلغ قبل بداية الدراسة هذا ظلم .. الجامعات تضع فترات
بمعنى اللي يسحب قبل ما تبدا الدراسة يخصم مثلا 10% وبعد ما تبدا الدراسة 25% وبعد مضي
اكثر من شهر يكون اكثر وهكذا اما على طول تسحب قبل تبدأ الدراسة نصف المبلغ والله ظلم ..
تأكدي اختي حاولي تتأكدي منهم في مسألة ارجاع المبلغ ..
الأهم من ذلك هل تكملي اوراقك ولا ما تكملي؟ .. نصيحة لله .. لا تفوتي الدبلوم ليس من باب عصفورا
في اليد خيرا من عشرة على الشجرة، ولكن المنطق يقول حظوظك في الماستر مثل اي متقدمة لا يمكن
ان تتجاوز 50% .. كله في علم الغيب .. ولكن الدبلوم يستحق حتى تحافظي عليه مبلغ 5000 ريال.
عارف مسبقا انه صعبة وكثير وظلم.. لكن تخيلي تجدي نفسك ما انقبلتي في الماستر وقالوا تعالي خلاص
بنقبلك في الدبلوم بمبلغ 15 الف اي بزيادة 5 الاف .. شخصيا اعرف كثيرات بيدفعون اكثر من هذا المبلغ
وبعدين فيه نقطة لو تم قبولك في الماجستير اعملي تأجيل قبول سنة .. يعني محاولة فأن نجحت تكون
تخلصي من الدبلوم على الماجستير .. هذا مجرد طريق او جذوة من حل .. قد يصيب وقد يخطى..
واذا لم يتم قبول التأجيل تدخلي بعدها في خيار اسحب من الدبلوم واخسر خمسة آلاف ولا اترك الماجستير
علما ان القبول في الدبلوم السنوات القادمة بيكون اسهل من التقديم على الماجستير بعد ما تخلصي الدبلوم.
والدبلوم هذا غريب نوعا ما اللي اعرفه انه توجيه وارشاد نفسي وليس مدرسي. !!!
لا تنسي استخيري مرة ومرتين وثلاث .. واستشيري الأهل .. واللي حواليك .. والله يعين ..
صدقوا اللي قالوا إذا تبي تحيره خيره.. ولا اصعب من الخيار بين امرين .. احلاهما مر .. او خسارة خمسة آلاف..
ربك ييسرها والله غالب على امره..

موفقه يارب"""