ملتقى طلاب وطالبات جامعة الملك فيصل,جامعة الدمام - عرض مشاركة واحدة

دمعة حلم · #1 2016- 7- 25

لاوالله الا راحت بقلبي جهار من النهار
وانا اذا واحد سألني قلت تكرم عينها
مالها غير القلب لاوالله تفاداه العمار
الدره اللي ماخلق زين يشابه زينها

ان جيت اوصفها يصيب الشعر وقفه واحتيار
لو قلت ماجى مثلها في الكون اخاف اهينها
شمس الضحى اتغار منها والقمر منها يغار
والأرض تقلب ورد عنابي تحت رجلينها

حبيتها حب الغريب الي تشوق للديار
تذكر دياره ثم سالت دمعته من حينها
حبيتها وادري ان الحب للعاشق دمار
ذوقي وتفكيري وعقلي كلهم هواينها

لو قالت اليسرى يمين وقالت اليمنى يسار
اقول كيفك ياحياتي زي ..... ماتبغينها
من حبها جت في حنايا المخ يعني بأختصار
اشوفها حتى اذا صليت ينصر .... دينها

واذا لبست الثوب اصك زرار واخلي زرار
والبس شماغي وانشد اصحابي شماغي وينها
صبرت وان الصبر نار واشتقت وان الشوق نار
حالت سلوم البدو من بين الوصال وبينها

عشرين عام من الوصال ولانهارين انتظار
الاوله يازينها والثانيه..... ياشينها
البعد عن من تعشقه موت حمر والموت حار
الله يوم اذكر دموع الشوق مع خدينها

من دونها ماكني الا عايش في قندهار
روحي مهددها الخطر في يسارها ويمينها
احيان اقول ابو حياتي مالي الا الانتحار
واحيان اقول العافيه والعافيه يازينها

شوفولنا حاجه تغيب بالعقل غير السكار
ودي يغيبي ولاأصحى غير بين ايدينها