ملتقى طلاب وطالبات جامعة الملك فيصل,جامعة الدمام - عرض مشاركة واحدة - نتائج ومباريات { ديوآنيــــة جميــــل - الجولة [1]

ريمنقو · 2016- 8- 14

اقتباس:

المشاركة الأصلية كتبت بواسطة المندوب السامي

نتمنى ان نحسن النية ولانعد الجمهور ولا ندقق بالحالات التحكيمية

لكن فلتترك لنا لجان الهلال مجال لنحسن النية

واذا طحت يالهلال لاتخاف يشيلك التحكيم

هدف غير شرعي حطم طموحات الباطن وغير مسار المباراة

اخيرا : كفى عبث بالرياضه النزهيه ياهولاء

السلام عليكم ..

خلال تواجدي هنا اكثر الاعضاء اتناقش معهم عن الحالات التحكيمية انت ياطويل العمر
والحالات اللي تطرحونها انتم هي خاصة بالهلال والحالات اللي اطرحها هي خاصة بالنصر ..
فوق اللي تشوفونه من اخطاء فادحه قلتوا لي ان النصر استحق الدوري بجداره !
يلعب مباراه حاسمة يسجل هدف تسلل وبلنتي لايحتسب ضده وياخذ الدوري ! هذا غير الأخطاء اللي قبلها كانت سبب في الثلاث نقاط ..
موسمين كانت كارثة تحكيمية .. ولا ادخل في ذمتي بأن الحكام متعاونين مع النصر وان قلت هذا في ماسبق فاني استغفر ربي عن هذا

لان مسألة الاتهام مسألة كبيرة مسؤولين عنها امام الله ، ف كوني اشوف حكم مساعد ابتسم بعد هدف الهلال فهذا لايعني انه مبسوط على الهدف ! فيه اسباب كثيرة تخلي الواحد يبتسم .. اشققت عن قلبه لأرى على وش يضحك؟ لا والله

ولا نتكلم عن النزاهه وحنا نعزز لنادينا المفضل اذا فاز بخطا تحكيمي ، وهذي النقطة تكلمت عنها من قبل
طاح الهلال يشيله الحكم على قولك كم سنة الهلال ما اخذ الدوري وين الحكم عنه وين الدفع الرباعي؟؟ ، بالله عليك وش سوى النصر بالموسمين اللي كان بطل فيها؟ مافيه اخطاء تحكيمية لصالحه؟
اخطاء واضحه قدام الحكم ، تسلل السهلاوي ، بلنتي الراهب ! بأي قانون يحكمون

وغيره من الأخطاء الكثيره ..

مشكلتنا اننا نشوف اخطاء غيرنا ونقّر بها لكن اذا صارت الأخطاء علينا فإننا اما ننكرها او ندافع حتى لو كنّا على خطأ
الى متى على هذا الحال ؟ متى نشجع ويكون تشجيعنا بإنصاف وتكون الكلمه لنا كجمهور سعودي ..
ونوقف المهازل اللي تصير ؟ نشتكي منها واساسنا مشكله اصلا؟
صدقني ماتحصل النزاهه الا اذا كان الجمهور نزيهه ..
وقلتها قبل مفروض يكون على الحكام عقوبات اذا كان في حالات واضحه قدامه و يحكمّها بغير اللي تستحق
او خصميات على كل خطأ واقع في المباراه لان هذا عمل والتقصير بالعمل فيه خصم ..