ملتقى طلاب وطالبات جامعة الملك فيصل,جامعة الدمام - عرض مشاركة واحدة

Doremi · 2016- 9- 20

وعليكم السلام ورحمة الله

إذا لغتك كويسه مفروض ما تشيلين هم أبد، يصير حاجه ممتعه وتخلصينها في يومين إلى خمسه أيام بالكثير..
وإذا لغتك مب كويسه برضو الموضوع ما يوتر لأن فيه برامج تساعدك لو فيه أخطاء نحويه أو املائيه

يعني صح اللغه تساعدك تخلصين بس برضو لو لغتك مب كويسه لا تخافين ولا تتوترين.

تبين موضوع شامل للمشروع تفضلي هالرابط :
http://www.ckfu.org/vb/t731696.html

بس بجاوب على أسئلتك

♥ دفعات ارسال البحث
أول الترم نرسل للمشرفه مقترح البحث / thesis statment أو الـProposal

مقترح البحث ملف وورد تكتبين فيه:
- اسمك
-رقمك الأكاديمي
- اسم المشرفه
- العنوان الي تبين تكتبين عنه في بحثك
- وصف لبحثك يعني نبذه
- الادوات المستخدمه، مثلا ً مقابله أو استبيان ..

ولما توافق المشرفه وتقول لك انه كويس تبدأين تكتبين الفرست درافت، يعني المسوده الأولى..
تفصيلها موجود في الرابط الي حطيته لك فوق، بس هي عباره عن بحثك كاملا ً
بالغلاف والفهرس والمراجع وكل القرابع..
ترسلينها في الوقت المحدد الي بيعطونا اياه لما تبدأ الدراسه..

لما يكون عند المشرفه ملاحظات راح تقول لك تعدلينها، بس لو عندك أغلاط نحو أو إملاء ماراح تحددها لك
ممكن تقول لك ان فيه أغلاط وبس، بس يستحسن ما تعتمدين على هالشيء وتكونين مضبطه هالناحيه ..

بعدها راح تقول لك ابدأي بالفاينل درافت، المسوده النهائيه، هذي هي بحثك الي في المسوده الأولى
نفسه بس بعد التعديلات الي قالت لك عليها وعدلتيها..

وخلاص ترسلينها وانتهت مهمتك، كيف ترسلينها وفين وبأي صيغه للملف؟ موجوده في الرابط الي فوق ..

اقتباس:

وهل هو اجزاء او فقط جزئين

مافهمت هالنقطه، بس لو قصدك المراحل الي نرسل فيها البحث، 3 .. المقترح وبعده المسوده الأولى وبعده المسوده الأخيره وخلاص ..

اقتباس:

وايش المحظورات فيه..؟؟

♥ المحظورات
أهم شيء الي راح يرسب الطالب على طول هو الانتحال، يعني بحث شخص آخر أو يكون نسبه الاقتباسات عندك كبيره، لما يتجاوز الاقتباس في بحثك 25% انتهى أمرك..
كيف تعرفين نسبة الانتحال والاقتباسات وهالخرابيط؟ من مواقع الانتحال، الأول هو موقع اسمه جرامرلي بس تشترينه..
والثاني هو موقع تسجلنا فيه الجامعه تلقائي ونقدر منه نعرف نسبة الانتحال..

طبعا ً تحتاجين ايميل جامعي، تفضلي هالرابط :
http://vb.ckfu.org/t660453.html

كمان من المحضورات انك تجيبين عنوان مكرر..

اقتباس:

سمعت عن طلاب حملوه كثير

أذكر موضوع نزلته كارزما أظن، بس مالقيته ممكن المشرفين حذفوه..
الموضوع كان فيه درجات الطلاب بعد ماطلعت النتايج، والله نسبه كبيره جايبين A و A+ ..

----

فيه شيء مهم الي هو أن البحث ماعليه واجبات ولا مناقشات، بس محاضرات مسجله للدكتور فداء ..
وفيه محاضرات مباشره مع مشرف بحثك.
والمشاركه تنحسب لك على التزامك بارسال البحث في الوقت المحدد، لما تتأخرين عن وقت مقترح البحث
تنقصين، ونفس الشيء للمسوده الأولى والأخيره.. يعني ننتبه للتقويم ونتابع من أول الترم..

أي سؤال ثاني اسألي..
المهم لا تتوترين، فكري بعنوان من الحين علشان ما يضيق عليك الوقت..
أصعب شيء بالنسبه لي هو عنوان البحث.. طبعا ً المجالات تكون واحد من هالمجالات : أدب - ترجمه - لغويات