|
مايجب تعلمه عن الاعمال الفصلية ... ادخلوا احبتي
السلام عليكم ورحمة الله
استكمالا لشرحي السابق في الموضوع المثبت بالقسم
هذا شرح لطبيعة الاعمال الفصلية :
المحاضرات راح تنزل ع دفعات
ومو ضروري تبدأ الحين
تسليم الاعمال الفصلية قبل اقفال الانظمة
تقفل الانظمة عادة قبل الاختبارات باسبوع
بس الافضل تخلص اول بأول تضمن نفسك وتضمن ال30 درجة
الاعمال الفصلية عبارة عن:
14 محاضرة + المحاضرة التمهيدية
14 مناقشة
ثلاث واجبات
وحضور المحاضرات المباشرة الثلاث( الرابعه ماعليها درجات)
اذا عملت هذول كلهم
تضمن اعمالك الفصلية 30 درجة بجيبك
بعدها 70 درجة ع الاختبار
المذاكرة اول بأول مهمة
المذاكرة راح تكون من الورش اللي بيفتحونها هنا بالقسم
وتحتوي ع روابط المحاضرات تصمها صم
وتحل الكويزات
وبتنزل حلول الواجبات والمناقشات ايضا بالورش
ممكن للمناقشة تحل سطرين او اكثر المهم تكتبها كتابة
ماتنسخ وتلصق
الانظمة تكشف النسخ واللصق
بالذات البلاك بود
الافتراضي آمن ..
وتقدر تحل فيه بسهولة وتطلع المناقشة اللي حليتها فوق ..
حتى تتأكد من وجودها ..
المحاضرات :
اما تحملها داونلود
او تفتحها لو خمس دقايق تحسب لك ..
المهم النت يكون ممتاز ..
مايقطع ..
افضل طريقة واستخدموها طول سنواتكم الدراسية
هي صيغة الجوال
خفيفة وماتاخذ مساحة باللاب..
وسريعة دقيقة دقيقتين وتتحمل ..
الواجبات :
جدا مهمة وانتبهوا لعدد المحاولات وللدرجة المرصودة تطلع لكم
اتاكدوا ان حلكم صحيح
حتى تضمنوا أي درجة لاتروح عليكم
المحاضرات المباشرة:
ممكن تحضرها بوقتها وممكن تأجلها المهم يحسب لك حضور
وتعتبر مهمة للتركيز ع النقاط اللي يذكرها الدكتور انتبهوا لها
في حال ماحضرتوها مباشرة حملوها كاملة حتى تنحسب لكم
قبل الاختبارات باسبوعين او ثلاثة
تفتح لكم الخارطة الاكاديمية
واللي فيها يبان لك وللعمادة
شنو الاعمال القصلية اللي قمت بها
راح تلقى علامات صح خضراء يعني اوكي
واي علامة تلقاها حمراء لازم تعيدها ..
الخارطة تتحدث كل اسبوع
لازم ترجع للتاريخ المكتوب فوقها
وهل انت تستخدم الافتراضي او البلاك بورد
لو حليت المناقشات بالبلاك وباقي شغلك بالافتراضي
يحسب لك من هنا وهناك
بمعنى الانظمة مكملة لبعضها ..
تقريبا هذا كل شي عن الاعمال الفصلية
واي سؤال واستفسار بخدمتكم
فقط تابعوني واعملوا تنبيه لاستفساركم
ارجو من الاشراف ادراج رابط هذا الموضوع داخل موضوعي المثبت لاهنتوا
وبالتوفيق للجميع ..
التعديل الأخير تم بواسطة Fatima999 ; 2016- 9- 21 الساعة 04:43 PM
|