|
رد: من يقدر يفيدنا بطريقة المذاكرة
وعليكم السلام ورحمة الله وبركاته
بأعطيك الطريقة اللي انا مشيت عليها من بداية دراستي والحمد لله جابت معاي نتيجة اكثر من ممتازة
انا اولا اعطي كل مادة اسبوع اقراء فيه المحتوى وبس وطبعا على راحتي بدون ما اضغط حياتي او ارتبط مرة بالجدول يعني ممكن تكون فيه ايام اسحب على الموضوع واعوضها بايام ثانية لكن بشكل عام كل مادة اسبوع وطبعا بالمرحلة هذي مو مهم الفهم ابدا كل الغرض اطلاع على المحتويات فهمت ما فهمت مو مشكلة .
 
المرحلة الثانية هي اني كمان اعطي المواد ثلاث ايام للمواد العادية والمواد اللي تبي جهد وتكون صعبة اعطيها اسبوع بس هالمرة يكون الهدف اني افهم المادة يعني اللي ما افهمه من المحتوى افتح المحاضرات و المنتدى واحيانا تكون المرحلة هذي متابعة للمحاضرات من موقع الجامعة يعني على حسب المادة نفسها واللي يناسبني فيها .
المرحلة الثالثة هذي عاد اللي بفترة الاختبارت يعني مثلا قبل الاختبارات باسبوعين اخد المواد بالترتيب من اول يوم اختبار احاول اختمها واول ما اخلص وحدة انتقل للمادة اللي بعدها بالجدول وهذا شي مهم . بهالمرحلة يكون الموضوع بس مراجعة ودايما احس اني غطيت المواد من جميع النواحي و حتى لو في مفاجأت واعياد من بعض الدكاترة تمر علي بسلام  
طريقتي هذي بتفيد الناس اللي ما تحب تعيش حالة طوارئ بفترة الاختبارت و ما تحب ترتبط وتنقطع عن حياتها الاجتماعية فترة الاختبارات واللي عادي تلقينها بالسوق يوم الاختبار 
|