المشاركة الأصلية كتبت بواسطة fatima999

الرقم الجامعي كان بنموذج البريد اللي ارسلته للجامعه
انتظر يرسلون لك sms حتى تفعل الرقم السري
بعدها تدخل الانظمة وتشوف مقرراتك موجودة
المحاضرات راح تنزل ع دفعات
ومو ضروري تبدأ الحين
المهم تسليم الاعمال الفصلية قبل اقفال الانظمة
تقفل الانظمة عادة قبل الاختبارات باسبوع
بس الافضل تخلص اول بأول تضمن نفسك وتضمن ال٣٠ درجة

الاعمال الفصلية عبارة عن:
١٤ محاضرة + المحاضرة التمهيدية
١٤ مناقشة
ثلاث واجبات
وحضور المحاضرات المباشرة الثلاث( الرابعه ماعليها درجات)

اذا عملت هذول كلهم
تضمن اعمالك الفصلية ٣٠ درجة بجيبك

بعدها ٧٠ درجة ع الاختبار

المذاكرة اول بأول مهمة
المذاكرة راح تكون من الورش اللي بيفتحونها هنا بالقسم
وتحتوي ع روابط المحاضرات تصمها صم
وتحل الكويزات
وبتنزل حلول الواجبات والمناقشات ايضا بالورش
ممكن للمناقشة تحل سطرين او اكثر المهم تكتبها كتابة
ماتنسخ وتلصق
الانظمة تكشف النسخ واللصق
بالذات البلاك بود
الافتراضي آمن ..
وتقدر تحل فيه بسهولة وتطلع المناقشة اللي حليتها فوق ..
حتى تتأكد من وجودها ..

المحاضرات :
اما تحملها داونلود
او تفتحها لو خمس دقايق تحسب لك ..
المهم النت يكون ممتاز ..
مايقطع ..

قبل الاختبارات باسبوعين او ثلاثة
تفتح لكم الخارطة الاكاديمية
واللي فيها يبان لك وللعمادة
شنو الاعمال القصلية اللي قمت بها
راح تلقى علامات صح خضراء يعني اوكي
واي علامة تلقاها حمراء لازم تعيدها ..
الخارطة تتحدث كل اسبوع
لازم ترجع للتاريخ المكتوب فوقها
وهل انت تستخدم الافتراضي او البلاك بورد

لو حليت المناقشات بالبلاك وباقي شغلك بالافتراضي
يحسب لك من هنا وهناك
بمعنى الانظمة مكملة لبعضها ..

وبالتوفيق للجميع ..