هالموضوع فايدته توزيع المهمات
تسجلون أسماءكم فيه وتحجزون مهمات علشان ما يصير نفرين يشتغلون على شغله وتعبهم يضيع..

ارسل لي خاص أو اكتب هنا اسم الشغله الي تبي تمسكها مهما كانت صغيره في نظرك فهي تعني الكثير لنا.
المهمات سهله ومهمتك تكفينا طول الترم ما تزيد عليها وكثر خيرك
وبالمقابل بتحصل كل شيء بهالمستوى جاهز مسخر لك على طبق من ذهب <-- هذا في حال تعاونا
--- مفروض أسماء الأعضاء ومهماتهم المحجوزه تنضاف لأعلى الموضوع يعني لا تخافون تضيع بين الردود ---

( مستعده أشرح شرح مصور أو فيديو لأي شغله، يعني لاحد يتحجج أنه ما يعرف يسوي شيء زي كويزات ومدري وشو)

تنسيق جدول المحاضرات المباشره
أول ما ينزل الجدول يكون فيه كل الأقسام والمواد ولازم أحد يطلع موادنا فقط ومواعيدها..
ممكن 4 أنفار يمسكون المهمه لأن عندنا 4 جداول بالترم
كل واحد يمسكه مره وحده ويرتاح باقي الترم ما نطلبه شيء أبد..

الواجبات
( غالبا ً محلوله، بس وفرها بشكل مرتب وتكون أنت متواجد علشان لو تغيرت الأسئله نعرف نحصلك )

المناقشات ( زي الواجبات ^ )

أسئلة الاختبارات تبع الترم الماضي
عندنا 5 مواد فقط لهالمستوى، نحتاج 5 أنفار لهالشغله..
كل نفر يمسك ماده يحول الأسئله المصوره إلى كتابيه سواء pdf أو مفكره
أو يرسلها لي مكتوبه برساله عالخاص أو يرميها بوسط الصاله في القسم ويروح يرتاح طول الترم ما نطلبه شيء.

وبعدها نحتاج 5 آخرين، كل نفر يمسك الأسئله الكتابيه لمادة وحده بس ويحوله كويز
وباقي الترم ينبطح بالصاله المذكوره أعلاه.
عاد الي يخلصون مهمه وينبطحون ما بيسمعوني أقول الجمله المعتاده ( متبطحين بالصاله ويتشرطون ).

المقـــــــــــــــررات
هذي شغلة الأشناب أمثالي أنا ويونا وكارزما ونوره
الي يبي يحتك يجي يحتك (نستقبلك بالأحضان <-- طلعوا رخوم )

الي يشوف نفسه يقدر يمسك مقرر كامل بواجباته ومناقشاته والتجمع والشرح والتلخيص والي يقدر عليه.
ترى سهله إذا كان الواحد ماسك ماده وحده بس طول الترم..
ولما يخلص يلاقي المقررات الثانيه جاهزه له مسوينها باقي الاعضاء..
( ترى كنا نمسك مليون تجمع ونذاكر ونحضر مباشرات ونحل ونناقش ونشرح وكللل شيء
يعني مب صعبه فكرة تجمع واحد ممكن تخلصه في يومين وتروح ترتاح باقي الترم)

أنا بريحكم وأمسك مقرر كامل لحالي أفصفص أبو جده لكم علشان أقلل عدد المهمات (ممكن يكون الأدب الأمريكي)
وبكذا بقي 4 مقررات فقط، كذا الواحد يقدر يركز على مشروع التخرج لأن أنا لو أسوي نفس الترم الي راح
ومع مشروع التخرج لا تتوقعون أعدي الترم معاكم لا ما قصدي أرسب، قصدي أموت -__- ..

بالنسبه للمجموعات
إذا كم عضو أو كم عضوه حابين يكونون مجموعه بإمكانهم تقسيم المهمات حسب الي يشوفونه
وحسب الي يريحهم، بس المهم تحجزون مهمتكم هنا بالموضوع علشان ما يشتغل عليها أحد ثاني ويضيع تعبكم..

----------

لا يحطمونكم الناس الاتكاليين وتقولون ليش احنا نشتغل وغيرنا يتسدح..
أقدر أصير أتكاليه أنا بعد وأروح أذاكر لحالي، بس أنا متأكده ربي بيبارك لنا أكثر لو تعاونا..

الموظفين برا السالفه لأنهم الله يكتب أجرهم يكفيهم الي هم فيه..
والي عاطل ما يحتاج يقول أنا موظف، عادي ما بنضرب أحد ولا نبي أعتذار هنا، نبي مبادرات
الي يبادر الله يحييه وبيحصل دعوات وتوفيق من ربي..


---

المواضيع المنجزه /المحجوزه للآن :
hadialshe7i / جدول متابعة مستوى ثامن
http://vb.ckfu.org/t763594.html


نوره بنت بابا / تجمع القسم واستشارات المواد والمذاكره ومنقشات بالأبيض
http://vb.ckfu.org/t763426.html

تجمع مقرر تحليل الخطاب + كويز اختبار الترم الماضي له / نوره بنت بابا

تجمع الادب الامريكي + كويز الترم الماضي له / Doremi

تجمع أدب الاطفال ( محجوز مبدئياً لأحد العضوات)

من الآخر تبون كذا ولا نكنسل الشغله من البدايه؟

على فكره هالترم الله يشهد أن وضعي مب مناسب للدراسه
وفكرت أعتذر هالترم بس الواحد ما يدري وش يصير بعدين..
علشان كذا الله يخليكم تعاونوا <-- !