ملتقى طلاب وطالبات جامعة الملك فيصل,جامعة الدمام - عرض مشاركة واحدة

Doremi · 2016- 9- 27

بتحول وحيد قرن من وضع المنتدى.. مو قادره أرد ولا أعدل ولا شيء، راح علي وقت التعديل ولا حطيت حجوزاتكم في أعلى الموضوع ..

اقتباس:

المشاركة الأصلية كتبت بواسطة نوره بنت بابا

الله يعطيك العافيه دوريمي وفعلا اذا تعاونا بننجز اسرع وماينظلم شخص لحاله ..
انا ان شالله جمعت كل مايخص تحليل الخطاب برتبها وانزلها وبس اختم الماده باذن الله راح انزل كويز الاختبار للترم الماضي

بالنسبه للمحاضرات المباشره بحاول قد ما اقدر احضرها قدر المستطاع وننسق بينا اذا ماقدرنا
والله يسهلها يارب

هلاااااا نوره

الله يسعدك شكرا ً شكرا ً

هذي مهمتين كبيره راحت

والله ممتنه، ومتشوقه كثير لأني أتفاءل بتجمعاتك

اقتباس:

المشاركة الأصلية كتبت بواسطة B-h-s

دوريمي كيف الحال عساك بخير

كيف المشروع معك لقيتي موضوع معين بديتي فيه ؟
بصراحه المشروع بياخذ وقت كبير من الكل بس ان شاء الله بنتعاون وانا حاضر
اي شئ تبوني اسويه مستعد له

أهلا بدر، الحمد لله أنا بخير
ايه يعني، ماشيه فيه..
لا ما أبي أرمي مهمات على أحد لأن كل واحد أدرى بطاقته ويعرف فين يشغلها

اختار مهمتك بنفسك بس المهم تلتزم فيها بعد ما تحجزها..

شكرا ً

اقتباس:

المشاركة الأصلية كتبت بواسطة msyuna

شكراً على الحجز المبدأي

ادب اطفال this Course is in the bag > محد يلمح دوتا

ان شاء الله وباذن واحد احد

وممكن بس اخلص امسك شغلات ثانية

+ اقدر مجهودك فعلا في كتابة المواضيع الطويلة زي هذي

تعديل : + الكويز نسيته , ان شاء الله

يونااااا

العفو ~
هههههههههههههه ياليل دوتا

تذكرني برمضان علشان لعبت كويس هذيك المره

اوكي أجل أدب أطفال + الكويز

ما كنت غلطانه لما قلت اننا احنا الأربعه أشناب

الله يسعدك شكرا ً

لو ما سويتي غيرها والله كثر خيرك

اقتباس:

المشاركة الأصلية كتبت بواسطة 79H

بإذن الله أنا معكم ..

وبمسك شغلة كتابة الاسئلة تبع السمستر الماضي
( لإن دوامي 9 ساعات و عندي وقت طويل اكتبها

)

بكتب اللي أقدر عليه سواء كلها أو مادة وحدة

إذا ما عليك أمر ترسلين لي الاسئلة أو تحطينها هنا مافي مشكلة

وعساكم على القوه جميعاً ويبارك في أوقاتكم يارب

هلا 79H

ياعمري والله ما جا ببالي أعطيك مهمات لأني أذكر أن دوامك طويل..
بس دام عندك وقت خليني أنسق مع البنات الي حجزوا كويزات وأقسمها بينكم وإن شاء الله ما يكون عليك إلا ماده وحده وكثر خيرك

ما ودي أصلا ً يطلع لك ولا ماده علشان الدوام حقك

مشكوره وربي ماقصرتي

اقتباس:

المشاركة الأصلية كتبت بواسطة *Ashwaq*

السلام عليكم ورحمة الله وبركاته

انا الترم هذا اخذت فقط ثلاث مواد من ثامن فقط ( ادب الاطفال + مدخل للادب الامريكي + تحليل الخطاب )مع مادة من سابع

راح اتكلف بحل واجباتهم

وممكن اعمل جدول للمحاضرات المباشرة

و اقدر اسوي كويز اذا عندكم ملف لاسئلة تبون اسويه كويز موجوده وفي الخدمة

وعليكم السلام ورحمة الله
هلا أشواق

ماشاء الله عليك، الله ييسر لك ويوفقك، بالأساس ماعمرك قصرتي معنا والله..

الواجبات لهالمواد الثلاث + جدول محاضرات واحد من المرات الأربعه ( الثاني أو الثالث أو الرابع لأن الأول محجوز )

كويزات الاختبارات أنا ونوره ويونا شلنا 3 منها، بقي مادتين الي هي الترجمه التتابعيه + اللغه وتقنية المعلومات..
راح أرجع أنسق مع الي حجزوا الكويزات وأرتب الوضع وأرسل لك بإذن الله ..
مشكوره ياعسل والله مو مقصره كعادتك

الله يعطيك العافيه

اقتباس:

المشاركة الأصلية كتبت بواسطة hadialshe7i

موظف ورب أسرة :) .. لكن إن شاء الله معكم ..
_____
Doremi لو ما سويتي شيء , يكفي اللي سويتيه بالأترام الماضية ..
لك منا جزيل الشكر والامتنان

____

أهلا ً هادي

والله انك مو مقصر ودايم متواجد على الرغم من دوامك، الله يعطيك العافيه ..
العفو وتستاهلون كل خير

اقتباس:

المشاركة الأصلية كتبت بواسطة Hend Alqahtani

موضوع جمميل ,

أسأل الله أن يبارك لك في وقتك وجهودك ,
وللجميع يارب ..

ابشري , أنا معكمم بإذن الله ..

١ـ بمسك مره من جدول المحاضرات المباشرة بإذن الله ..
٢- ودي أمسك مقرر , بس اخاف اجيب العيد فيكم ..

.

بإذن الله نتعاون ونعدي مـع بعض ..

هلا هند

ههههههههههههههههههههههههههههه حلوه تجيبين العيد..
بقي ترجمه تتابعيه

هو براسه عيد بس لو انتي مب ناويه تمسكينه بالمذاكره قبل باقي المواد معناها ماله داعي نلزمك فيه..

بحجز لك جدول المحاضرات المباشره ( الثاني أو الثالث أو الرابع ) ، من الآن لحد ما تنتهي المحاضرات المباشره الأولى معاكم وقت انتي واشواق تختارون أي وحده بتمسكون، علشان ما أبي تحجزون من الحين لين تشوفون وضعكم

والمقرر براحتك، بس مب مضطره... الشغله كلها رغبه وتيسير ما نبيها تصير ضغط على أحد

مشكوره هند الله يسعدك

اقتباس:

المشاركة الأصلية كتبت بواسطة استغفرالله123

انا خلصت مشروع التخرج الترم اللي راح الحمدلله
لكن اليوم مفروض يكون فتح تعبئة نموذج التخرج وماشفت احد تكلم عنه ولاادري وش سالفته بليز ياليت تتفاعلون قبل تتسكر الايقونه وشكررراا

فيه موضوع استفسارات مثبت اطرحي استفسارك فيه

موفقه

اقتباس:

المشاركة الأصلية كتبت بواسطة Bubbles Hug

صحيح وش هالنموذج و وين نلاقيه ؟ شفته في الجدول الزمني قبل مده ولا عرفت اطلع او بالأصح الاقي الأيقونه .. احد يعرف ؟

فيه موضوع استفسارات مثبت اطرحي استفسارك فيه

موفقه

اقتباس:

المشاركة الأصلية كتبت بواسطة bent3bdullah

Doremi
الله ييسر امورك ويفرجه عليك من حيث لا تحتسبين..

أنا معكم إن شاء الله

_أسوي جدول المحاضرات المباشره الاولى...

_وأكتب كويز إختبار مادة الادب الانجليزي..

هلا bent3bdullah

آميين يارب وياك

ماقصرتي والله

الأدب الأمريكي قصدك؟ تبين تكتبينه من تصوير إلى نص ولا تحولينه كويز بالمنتدى؟

مشكوره على الحجز

الله يوفقك ولا يضيع جهدك

اقتباس:

المشاركة الأصلية كتبت بواسطة كارزما

.
.

مايحتاج ادعمكم

انا دعمي لوجستي بالميدان

.
.

الظاهر خليتوا لي العشق حليمة

+
خابريني تخصص تجمعات نهائية

ولن أتنازل عن هذا الموقع الاستراتيجي

يدي تحكني أبي أسوي تجمع لحليمه بس حاسه أن الشغله تناسبك

<-- احلفي

بس مافهمت انتي بتحجزين تجمع الترجمه الي من الحين ولا خلاص؟
علشان ما أنكبك أروح أحجزه وأنشبه فيك

وتسلمين، مو مقصره دايما ً

اقتباس:

المشاركة الأصلية كتبت بواسطة Mayamy79

الله يعطيكي العافيه دوريمي على الموضوع الاكثر من رائع

ماشاء الله عليكي ماتقصرين معانا ابد جزاك الله خير على قد نيتك الطيبه وحبك للناس

بحاول اسوي كويز ماده من المواد او اكتبه pdfl ماادري كيفكم

بس لازم تعلموني عشان ماعرف والله

الله يعافيك ياقمر ..
وانتوا بعد والله مو مقصرين الله يخليكم

اختاري الي تبين منها والي ما بيكون ضغط عليك علشان أروح أزبط لك شرح فيديو

يعني لو تبين طريقة الكويزات بسوي لك شرح فيديو مفصل وسهل، أما لو تبين طريقة الكتابه pdf هي أساسا ً انك تنقلين الأسئله المصوره للاختبار الماضي، تقرينها من الصوره وتكتبينها في ملف وورد، مب شرط تحولينها pdf الوورد يكفي..

بنسق مع الي حجزوا الكويزات والأسئله وأشوف الي بقي منها وأرد لك ..

الله يعطيك العافيه ويسعدك ، شكرا ً

اقتباس:

المشاركة الأصلية كتبت بواسطة soos89

شكرآ دوريمي وانا معكم انا مو شاطره مره بسوالف المواضيع فا ممكن اكتبلكم اسئلة الاختبار

واقدر اجمعلكم المواد هذه شغلتي اجمع كل الملخصات

هلا soos

العفو حبيبتي، كثر خيرك

هذي مهمه مزعجه بالنسبه لي وراح تفكين أزمه على الي يسوون كويزات..

بس أنسق مع الي حجزوا الأسئله والكويزات ونشوف ايش بقي منها وأتواصل معاكم كلكم علشان نعرف إيش الماده الي بيسويها كل شخص ..

يعطيك ألف عافيه soos

اقتباس:

المشاركة الأصلية كتبت بواسطة ✶ جُمان ✶

.... وهذا المطلب وهذا المُبتغى ...

التعاون ثم التعاون ثم التعاون

الله يبارك فيكم وبجهودكم

وفالكم التخرج بإمتياز

آمين يارب وياك ياجمان

تسلمين

اقتباس:

المشاركة الأصلية كتبت بواسطة aish

بالبدايه اواين اروح

الله يعافييكم

ما فهمت، وين تبين تروحين

اقتباس:

المشاركة الأصلية كتبت بواسطة فاكر لما

الله يسعدك دوريمي ويجعله بميزان حسناتك

لكن اختك موظفة وبفترتين وشايلة هم مشروع التخرج والله يادوب الاقي وقت افكر بموضوع البحث اصلااا

ع الطاري متى مواعيد حقت هالمادة متى نبدا ونراسل الدكتور ؟؟؟

هلااا فاكر لما

آمين يارب وياك .. لا عادي حبيبتي والله الي موظفين ما يحتاج يشغلون بالهم واحنا مقدرين..

لسى ما تحددت المواعيد، خليك متواجده بالقسم بين فتره وفتره علشان ما يفوتك

---

معليش، نثرت الدنيا كذا لأن المنتدى مو راضي يتجاوب معي..
بنسق المهمات المحجوزه وأرجع أكتبها بس يضبط المنتدى..

يعطيكم العافيه جميعا ً، بعد أيام راح أرجع أرتب الموضوع وأغير اسمه وأثبته وأعطيكم خبر لو فيه مهمات زياده نحتاج أحد يساعدنا فيها..