|
رد: دعوة للمناقشة .. رسوم الدبلوم التربوي بجامعة الملك فيصل
اقتباس:
المشاركة الأصلية كتبت بواسطة يآرب ..
الجامعات السعودية ليس لها اي عذر سواء بالدراسة المسائية او الصباحية
انا من خريجات فيصل وكثير قاعات متاحة وماهي مليانه بين اوقات الليوم
واذا على الكوادر ومنسوبي الجامعة ما اعتقد حنا مانقدر نسوي موازنة في الميزانية ونصلح بعض الامور عشان نفيد اكبر شريحة ممكنة ! اهم شي ابناء الوطن ! نحن نفكر بالمنسوبيين وكيف نغطي تكاليفهم وهم اغلبهم من الدول العربية ! طيب حنا وين من دعم شبابنا وبناتنا !
اغلب الخريجييين غير تربوييين ! اذا هم لاينفعون للوظائف الحكومية ! اذا لازم يدرسون عشان يتوظفون ويحصلون الاستقلال والاستقرار المادي
طيب كم طالبوطالبه ماتقدرتدفع الرسوم ! كم طالب وطالبة وضعها اقل من المتوسط !
هل تنحرم من حلمها الوظيفي اللي رح تكون فيه انسانه معينه لزوج ولا طفل ولا اب ولا اخوان ! عشان اسباب واهية !
انا من الطالبات اللي كنت رح ادرس ماستر ورح اشتغل بقطاع خاص عشان بس اسدد الرسوم
بس عشان احقق حلمي !
وللاسف بعد تعب اربع سنين ومع مرتبة شرف اولى لاحياة لمن تنادي لا في دراسة ولا في وظيفه من الشروط الظالمة اللي بحق الكثير
المواطن من حقه يرتقي ويعلو بمساعدة المسؤولين وليس العكس
|
اختي كلامك جدا جدا جدا منطقي وواقعي للاسف .. لكن نقطه ان القاعات مليانه ادري فيها وعايشتها بالجامعه ولا هي سبب ابدا القاعات ..السبب الرئيسي لكل كليه عدد مقاعد محدده بالتناسب مع عدد الاساتذه الموجودين في القسم خلال فتره الدوام الرسمي .. الجامعه ماتقدر تفرض على الاستاذ انه يدرس ساعات اكثر من المطلوب منه او ييفي وقت غير الدوام الرسمي .. وبما ان الدبلوم مسائي ياخذون منا هالرسوم وهي اتفق مع الجميع جدا جدا جدا جدا مرتفعه ... توقعاتي اذا صار فيه شوشره وكلام في هالموضوع الحل الي بتسويه الجامعه راح يزيد الطين بله انها بتلغي الرسوم مثل الجامعات الثانيه وبتخلي الدوام صباحي والقبول الي صار راح يتغير بدل مانكون 500 طالب وطالبه راح يقبلون 150 بالكثير .. اما مساله ان الجامعه تخليه مسائي وبهالعدد ومجاني من اصعب الامور ان لم تكن مستحيله .. وان شاء الله ربي يكتب لنا الخير جميعا
|