السلام عليكم و رحمة الله و بركاته ...
اخواني اخواتي ، انا طالب بالجامعة السعودية الالكترونية و هي نظامها تعليم مدمج و حكومية و شهادتها انتظام
( التعليم المدمج يعني في حضور بالحرم الجامعي و فيه دراسة عن بعد ، الحضور يكون يوم او يومين حسب الجدول
و تخرج شهادة إنتظام مو إنتساب )
انا مستوى ثالث ( يعني اول ترم بتخصص تقنية معلومات ) و انا انهيت السنة التحضيرية و انا باول ترم تخصص
و حاب اجل هالترم عشان انا ابي احول لجامعة الدمام بكلية الدراسات التطبيقية و خدمة المجتمع و معدلي تمام
الحين و باجل الترم خايف لا ينزل عن المعدل المطلوب للتحويل .
سؤالي الأول : هل يقبلون التحويل من الجامعة السعودية الالكترونية الى جامعة الدمام انتظام ( كلية الدراسات التطبيقية ) ؟؟
سؤالي الثاني : معادلة المواد انا دارس كل المواد اللي بالترم التحضيري اللي بجامعة الدمام بجامعتي الا مادة الاحصاء و الصحة و اللياقة فهل بيطلبون اني ادرسها و هل تكون دراستها لحالها بترم او مع الترم التأهيلي الأول ؟؟؟
سؤالي الثالث : انا انهيت فصلين دراسيين بجامعتي ( اترام السنة التحضيرية ) فهل هذا المطلوب او المطلوب فصلين دراسيين بالتخصص ( يعني بعد السنة التحضيرية )؟؟؟؟
سؤالي الرابع : انا درست بجامعة الدمام قبل لا ادخل الجامعة الالكترونية و ما كمل تقريباً شهر و نص ثم فصلت و السنة اللي بعدها التحقت بالجامعة الالكترونية و انهيت فيها فصلين و اليوم رحت للادارة و عطيتهم رقم الهوية و قال انت مالك رقم جامعي مسجل يعني الامور تمام مع اني كان لي رقم جامعي بالشهر ونص ، فهل راح يرفضون ؟؟؟؟؟
سؤالي الخامس : هل مادة الصحة و اللياقة يشترطون لبس بدلة و القيام بتمارين او يكتفون بحصص شرح للاسعافات الاولية و غيرها يعني دراسة نظرية ؟؟؟؟؟
و سلامتكم ، تكفون اللي عنده اي جواب او معلومة لا يبخل علي و الله اني بضيقة لا يعلمها الا الله بجامعتي الحين مغرز الدراسة انجليزي و صعبة علي و ابي احول عندكم بالعربي و لي 3 سنين متأخر و الحين توي ابي احول فتكفون بالفزعة والله يكتب لكم الأجر .