|
the adventures of huckleberry finn ~ أدب أمريكي//الملفات في الرد 64#
**
قرأتها رمضان الي راح (مع أني أشك أن نسختي كانوا حاذفين منها كم شغله)
المهم ممتعه وأستغرب كيف كان الأدب زمان ممتع ببساطه..
ما يقطع عمره علشان يدهشك، يتكلم بس! يسرد ~
في هالروايه، الراوي First-Person، اسمه هاكلبيري فِن، ولأنه غير متعلم فاللهجه كانت فعلا ً
لهجة شخص غير متعلم، والكاتب أيضا ً استخدم لهجة سكان المنطقه الي كان يسكن فيها هاكلبيري..
اسم الرواية: هاكلبيري فِن
اسم الكاتب: مارك توين
المحاضرات: 11 - 12
تعتبر جزء ثاني لقصة توم سوير، لأن هاكلبيري كان صديق توم سوير في الكتاب الأول..
وانتهت الروايه الأولى بحدث معين، وفي بداية رواية هاكلبيري يبدأ السرد من عند هذا الحدث..
راح أذكر الحدث هذا باختصار علشان الي حاب يعرف..
هكلبيري ولد لرجل سكران دائما ً ما يدري عن ولده..
بالتالي هكلبيري عايش لحاله بدون أهل ولا بيت ولا يروح المدرسه..
مسوي لنفسه كوخ مخيس ويعتبره الجنه حقته، يلبس ملابس حالتها حاله بس إنسان غني بروحه..
توم سوير ولد يعشق المغامرات لأنه يقرأ قصص كثير ويحب يطبق الي يقراه، ممكن يخاطر بحياته علشان يعيش جو..
المهم في نهاية قصة توم سوير كانوا الولدين يسوون مغامره وحصلوا مجرم هارب معاه فلوس كثييييييييير..
بطريقةٍ ما الفلوس أصبحت لهكلبيري وتوم سوير
القاضي حفظها لهم، وكان يعطي كل ورع منهم دولار واحد كل يوم..
وقتها هالمبلغ كبير، ما يعرفون حتى كيف يخلصونه في يوم واحد..
كان في القريه حرمه أرمله اسمها دوغلس، قررت تاخذ هكلبيري في بيتها وتهتم فيه وتحسن أوضاعه، لكن
هالوضع ما أعجب هاكل، الملابس مو مريحه، يجبرونه يتلو صلواته قبل الأكل ويعلمونه بروتوكولات مبالغ فيها..
**
مرفقات الموضوع
♥ ملف القصة بالانجليزي (قرأتها بالانجلش ولهجتها كانت بسيطه وحلوه)
♥ ملف القصة بالعربي (طويله بس والله ممتعه وفيها معاني كبيره) (تحميل )
♥ ملف صوتي بالانجليزي، (مدته 11 ساعة  كل القصه فيه ماعدا الصفحتين الأخيرة ) (تحميل)
♥ لا يوجد ملف صوتي بالعربي للأسف..
♥محتوى الماده غير مترجم (37 صفحه )
♥ مقطع فيديو يشرح القصه باختصار:
https://www.youtube.com/watch?v=8sBQg4fZ-ho
.. ملاحظات ..
* المقطع الصوتي للقصه فيه تعريف وكلام بالبدايه، تبدأ القصه لما تسمعون Chapter 1 ..
* الأغلب ما يبون يذاكرون فلا تسوون مشغولين، اقرأوا القصه اللعينه <-- بيجلدونها كل الدفعه
* استمتعوا، وعلموني رأيكم بالقصه وتعالوا نسولف فيها على ما يردون المشرفين علينا..
* بما أن القصة طويله بنكتفي بمناقشه المذكور في المنهج..
**
المحاضره السابقه موضوعها ( هنا )
التعديل الأخير تم بواسطة Doremi ; 2016- 12- 18 الساعة 07:50 PM
|