2016- 11- 2
|
#14
|
|
مشرفة المستوى الثامن سابقاً
|
رد: ممكن تساعدوني؟
اقتباس:
المشاركة الأصلية كتبت بواسطة جميلة الجميلات
طيب..fatima999 ممكن تساعدين بهالشي؟؟ لو سمحتي..
لاني مرره ضايعه موفاهمه شي بالمواد
|
اذا بتضلي تنزلي مواضيع ساعدوني وكيف هذا وكيف ذاك ماراح تنجزي تقدم صدقيني
بالامس لما لخصت محاضرة القانون
وسمعت صوت الدكتور عبد التواب
رجعت فيني الذكريات للثلاث سنوات الماضية
يوم ماكنت بمكانكم.. مااعرف شي ولاعندي علم بأي شي وكنت منقطعة عن الدراسة سنوات طويلة كانت كفيلة لتبلد ذاكرتي ..
كل اللي سويته اني مسكت المحاضرات وابتديت اذاكر
احل الاعمال الفصلية
ادخل الملتقى اسمع اراء الطلبة عن الدراسة وارجع اذاكر
ماني دافورة لكن كان عندي وقتها هدف اني اتحدى كل النظرات اللي كانت تقول لي ( ماراح تنجحي.. ماراح تستمري)
وكان هذا الكلام هو اللي يعطيني دافع انجح واطور من نفسي ..
اليوم وبعد ثلاث سنوات مرت ..
اتمنى الزمن يعود فيني الى مستوى أول لسبب..
اني احقق طموح التفوق العالي مو بس النجاح ..
وهذا اللي اتمناه لكم ..
لاتذمروا ولاتقولوا مانعرف ولاتقولوا صعب
ماراح تتقدموا
نصيحتي لكم ذاكروا كل شي
محاضرات ملخص واجب ومرة ومرتين وثلاث
كرروا وراح تركز المعلومة
بدون تكرار ماراح تنجحوا واذا نجحتوا ع الحافة
انتوا ببداية المشوار اذا استصعبتوه كيف بتكملوا ؟
اذا بديتوا صح راح ترتاحوا بالاخير
وتكونوا حصدتوا اعلى المعدلات ..
وماتحتاجوا تندموا انكم ماضغطتوا ع انفسكم من البداية ..
التكرار يعلم الشطار
كلمة استوعبوها وراح تمشوا صح
اعتذر ع الاطالة بس هذا اللي عندي 
|
|
التعديل الأخير تم بواسطة Fatima999 ; 2016- 11- 2 الساعة 07:56 PM
|
|
|
|