من لطف الله انه جعل للمرض شفاء
سبحان الله
صار معي اليوم موقف
كدت أفقد فيه عيني
كنت في المطبخ وبحركه سريعة بسكر دولاب المطبخ
جاتني ضربه في عيني
تالمت منها خفت اني أعتمي او تتشوه عيني
يارب رحمتك
بس خف الالم شوي
رحت عند المرايه
أشوف ايش اثار الضربة اللي من الدولاب
حاولت افتح عيني
لقيت انتفاخ شوي وجرح في الجفن وجنب العين
جلست احاتي
وخايفه الانتفاخ يزيد
والحمدلله خفت الالأم
ويارب يزول الأنتفاخ واثر الجرح
جلست اتامل في رحمة ربي
كنت راح افقد عيني
ولو لا لطف الله ماقدرت أفتح عيني
ولولا رحمته ماجات ضربة الدولاب
على كامل العين
انما جزء بسيط
الحمدلله
عيني حالياً سليمة أشوف فيها
لكن أتامل في رحمة ربي
كيف نجاني
الحمدلله
جلست وقتها اتذكر كم مره طحنا واحنا اطفال واذينا نفسنا او بالغط ضربنا باب
او ضربنا احد او جرح سكين
او طحنا من فوق شي عالي
او اي شئ وجاتنا اصابات
وسببت لنا جروح وكسور وكدمات
وامور كثيرة
وكلها بعد العلاج اختفت
الحمدلله
من رحمة الله التام الجروح والكسور
من رحمة ربي ان لكل مرض علاج ولكل جرح التأم
لو كان الجرح ينزف على طول كان مات الأنسان
لو الجروح ماتروح والضربات ماتختفي وتلتأم كان ظلينا مشوهين !
الحمدلله على جميع النعم اللي تحيط بنا وعلى الطاف الله الخفيه
يارب يشفيني ويشفي مرضى المسلمين
اللهم امين