حيّرتني مدري معك وين باصل
اتردّني الشيمه ويقفي بك الغي
قُل للمشاعر تاخذ اليوم فاصل
ورد الغلا يذبل لي ابطا من الري
لاصار بُعدك بسّ تحصيل حاصل
ذكـرآك بطويها على لهفتي طي
خلّك على هجرك وغيّك وواصل
ماتدري إن جرحك قبل كم شهر ني
عينك تنام وعين خلّك تواصل
حتى تبان الشمس ويشعشع الضّي
ياصاحبي واللي على الدرب ياصل
ترا العيون فدآك هـذي قبل ذي
مشاعرك لاصار فيها فـ ـواصـ ـل
تحرقني رمضا الشوق ياجاحد الفي
لاجاك رقمي ردّ شف وش حاصل
آسف على الإزعاج ياالميت الحيّ
دقّيت .. من باب الغلا والتواصل
مانيب محتاجك ولا ابغيك في شي
حمد البريدي