اختي الكريمة حبيت بس اوضحلك كيف كانت العام طريقتي في مذاكرة هالمادة يمكن تفيدك ،،
أول شي عملته اني كتبت كل سؤال من النماذج السابقة للدكتور على الكتاب عشان افهم اسلوب الدكتور في صياغة الأسئلة ، عن نفسي فضلت اشتري الكتاب لانه حتى محتوى الدكتور كان مبهم بالنسبة لي في بعض النقاط فالكتاب ساعدني في فهمها ، وغير كدا عشان التمارين لأنه هو على الأقل يجيب سؤالين منه غير موجودة بالمحتوى ، فحليت كل التمارين اللي جايب منها أمثلة بالمحتوى ، واستعنت بكتاب من النت فيه جميع الحلول .. ثاني شي ترجمت بنفسي كل كلمة جديدة علي فيه ، استعنت بملزمة فيصل -ملزمة مترجمة - و مترجم الوافي الذهبي ، وبصراحة بدأت في المادة من بدري بحيث كنت ادرس 4 محاضرات في اليوم دراسة جدية ،كنت اقرأ كل كلمة وأفهم معناها ، لانه الدكتور تتوقعي انه يفرغلك أي كلمة في الجملة بالنص ، أي كلمة ما تخطر في بالك ولا تتوقعي انها ممكن تكون في موضع سؤال ، عشان كدا انت لازم تكوني فاهمة معنى كل كلمة حتى لو جاب سؤال ما عرفتي تجاوبيه من فهمك لمعاني الكلمات حتعرفي تجاوبي ، مهم مهم مهم تترجمي بنفسك هذه نصيحة مني لك . طبعا طبعت اسئلة ابو الحارث الله يجزاه بالخير وكنت كل ما أدرس محاضرة أحل في اسئلته ..
بالنسبة للبرقرافات الدكتور ما يجيب ابدا أي برقراف وانت بنفسك لو فرغتي محتوى نماذج الأعوام السابقة على المحتوى حتشوفي كيف أسلوبه وحتفهميه وحتدرسي على أساسه .
بالنسبة للتمارين اللي في الكتاب يفضل انك تحليها لانه زي ما ذكرتلك هو يجيب على الأقل سؤالين من الكتاب غير موجودة بالمحتوى ..
آخر شي حابة اقولك هو انه المادة ممتعة وسهلة بس أسلوب الدكتور في صياغة الأسئلة هو اللي مصعبها فلا تخافي واتوكلي على الله وادرسي من بدري ، وافهمي قبل ما تحفظي ، وبالتوفيق يارب ..